Qrup 1984-cü ildə Sevinc Kərimova tərəfindən Bakıda yaradılmışdır. S. Kərimova qrupun direktoru, eyni zamanda rejissoru idi. O, həm də Azərbaycan Televiziyasınd

Qrup 1984-cü ildə Sevinc Kərimova tərəfindən Bakıda yaradılmışdır. S. Kərimova qrupun direktoru, eyni zamanda rejissoru idi. O, həm də Azərbaycan Televiziyasında ilk klip çəkən rejissor kimi tanınmışdır. Lakin bir sıra maliyyə və texniki çətinliklərə görə Karvan qrupu dağılır. Həmin vaxtlarda isə Yevgeni Baxtin və Tamilla Ağamiyeva da qrupun üzvləri idilər.

Bakı Payızı-88 müsabiqəsindən sonra Karvan qrupu bərpa edilir. Müsabiqədən sonra qrupa yeni üzvlər dəvət edilir — İlqar Xəyal və Firuz İsmayılov. Qrup bərpa olunandan sonra ilk konsertini Türkiyənin İzmir şəhərində uğurla reallaşdırır. Daha sonra Bakıda Lenin Sarayında 5 gün ərzində konsert verir. Karvan qrupunu ilk dəfə Azərbaycan Televiziyasında təqdim edən Nərgiz Cəlilova olmuşdur.

Bakı Payızı-88

Bakı Payızı-83 və Bakı Payızı-85 müsabiqələrindən ilhamlanaraq dağılmış Karvan qrupuna yeni üzvlər seçmək məqsədilə Sevinc Kərimova Bakı Payızı-88 müsabiqəsini təşkil edir. Konsert günü Eldar Mansurovun, Vaqif Gərayzadənin, Faiq Sücəddinovun və Mikayıl Vəkilovun bəstələri ilk dəfə iştirakçılar tərəfindən səslənir. Müsabiqənin ən yadda qalan çıxışı isə şair Malik Fərruxun sözlərinə bəstəkar Mikayıl Vəkilovun bəstələdiyi "Azərbaycanım" mahnısının konsertin ulduzları tərəfindən birgə ifası olur.

Müsabiqədə "Yadelli durnalar" mahnısıyla çıxış edən İlqar Xəyal I dərəcəli diploma layiq görülür. Sevil Hacıyeva isə Samir Bağırovla olan dueti ilə III dərəcəli mükafatın laureatı olur. Final konsertinin sonunda "Azərbaycan Komsomolu", "Бакинский Рабочи" qəzetinin xüsusi mükafatı İlqar Xəyala, Bakı Şəhəri Mədəniyyət İdarəsinin xüsusi mükafatı Samir Bağırov və Sevil Hacıyevaya təqdim olunur.

Azərbaycandakı siyasi vəziyyət və Qarabağ müharibəsi musiqi sahəsinə də öz təsirini göstərir. Eyni zamanda Vəkilovlar ailəsinin, daha sonra Firuz İsmayılovun Azərbaycandan köçməsi qrupun 1993-cü ildə rəsmi olaraq dağılmasına gətirib çıxarır. Bu hadisələr qrupun digər üzvlərinə də öz təsirini göstərir. İlqar Xəyal qrup dağıldıqdan sonra 4 il səhnəyə çıxmır, digər üzvlər də uzun müddət işsiz qalır. Firuz İsmayılov və Mikayıl Vəkilov fəaliyyətini Türkiyə və ABŞ-də davam etdirir.

Sevil Hacıyevanın ölümü

Karvan qrupu dağıldıqdan sonra Sevil Hacıyeva da dövrün ağır şərtlərindən təsirlənərək səhnələrdən uzaq düşür. Ağır xəstəlik və ailəsi ilə problemlər yaşayan musiqiçi təsadüfən tanış olduğu ABŞ vətəndaşının köməyi ilə Los-Ancelesə köçür.

Müğənni 12 oktyabr 2000-ci ildə bir şəxslə Qərbi Hollivudda yerləşən Şimali Robertson Bulvarının 470-ci blokunda gəzərkən soyğunçu onların qarşısını kəsərək pul tələb edir və müğənninin pul kisəsini oğurlamağa çalışır. Oğrudan qaçarkən 31 yaşlı Sevil Hacıyeva arxadan güllələnərək qətlə yetirilir. Müğənninin yanındakı şəxs isə oğru ilə mübarizə aparan zaman sifətindən bir güllə ilə yaralanır. Karvan qrupunun solisti Sevil Hacıyeva Hollivud-Hills (Forest-Loun) qəbiristanlığında dəfn olunmşdur.

2022-ci ilin mart ayında İlqar Xəyal qrupun 30 illiyi münasibətilə yenidən bir araya gələcəyini açıqlamışdır. "Karvan — 30 il" konserti 24 may 2022-ci ildə Heydər Əliyev Sarayında baş tutdu.

Sevinc Kərimova — direktor, rejissor Sevil Hacıyeva — solist Yevgeniy Baxtin — solist İlqar Xəyal — solist Gülağa Cəbrayılov — zərb alətləri Gennadi Yuqay — bas-gitara Mikayıl Vəkilov — bədii rəhbər, bəstəkar Firuz İsmayılov — musiqi rəhbəri Samir Muradov — səs rejissoru

Keçmiş üzvləri Tamilla Ağamiyeva — solist Əməkdaşlıq Malik Fərrux Xana Qalsanova

"Qara gözlər" "Dostum" "Polismen" "Bilərsən "Xatirədir" "Qatarlar" "Sənə qurban" "Şahzadə" "Səni görəndə" "Durnalar"

"Demədin mənə" "Gəmi" "Niyə" "Gözləmə" "Sevgilim" "Vətənim mənim, anam" "Sarı güllər" "Ömür karvanı" "Tufanla oynama" "Azərbaycanım"

"Bilərsən" "Şəhərim" "Xəyalda" "Həyat nəğməsi" "Sən gəldin ömrümə"

01)   Tufanla Oynama

02)   Bilərsən

03)   Sənə Qurban

04)   Gözləyirsən, Yar

05)   Qara Gözlər

06)   Dostum

07)   Polismen

08)   Xatirədir

09)   Qatarlar

10)   Şahzadə (Gəl, Yarım)

11)   Durnalar

12)   Gəmi

13)   Sevgilim

14)   Vətənim Mənim, Anam

15)   Sarı Güllər

16)   Azərbaycanım

17)   Ver Əlini

18)   Rafiq Babayevin Xatirəsinə