Kaori İço beynəlxalq səviyyədə birinci yarışına 2002-ci ildə Cənubi Koreyanın Busan şəhərinin ev sahibliyində baş tutan XIV Asiya Oyunları çərçivəsində qatıldı.

Kaori İço
Kaori İço
	yap. 伊調馨
Şəxsi məlumatlar
Vətəndaşlığı	Yaponiya;
Doğum tarixi	13 iyun 1984 (41 yaş)
Doğum yeri	Haçinohe[d], Aomori, Yaponiya;
Boyu	1,66 m
Çəkisi	61 kq
İdman növü	güləş, sərbəst güləş
	Vikianbarda əlaqəli mediafayllar

Kaori İço (yap. 伊調馨 , 13 iyun 1984-cü il) — yaponiyalı qadın sərbəst güləşçisi.

Karyerası

2002–2004

Kaori İço beynəlxalq səviyyədə birinci yarışına 2002-ci ildə Cənubi Koreyanın Busan şəhərinin ev sahibliyində baş tutan XIV Asiya Oyunları çərçivəsində qatıldı. Kaori İço qrup mərhələsinin 1-ci turunda Türkmənistan nümayəndəsi Osana Kohorinanı 7:0, 2-ci turunda Çin Taybeyi nümayəndəsi Çuanq Şu-Fanqı 8:0, 3-cü turunda isə Cənubi Koreya nümayəndəsi Hanq Jin-Younqu 5:0 hesabı ilə məğlub etdi və Asiya Oyunlarının final görüşünə vəsiqə qazandı. Final görüşündə o, Çin nümayəndəsi Xu Haiyan ilə üz-üzə gəldi. Gərgin idman mübarizəsi şəraitində baş tutan görüşdə Kaori İço Xu Haiyana 5:6 hesabı ilə məğlub oldu və XIV Asiya Oyunlarının gümüş medalına sahib oldu.