Hiromiçi Şinohara (yap. 篠原 弘道, Shinohara Hiromichi) - Yaponiya İmperator Ordusunun Hava Xidmətinin kiçik leytenant rütbəli pilotu. O, Yaponiya tarixinin ən uğur

Hiromiçi Şinohara (yap. 篠原 弘道, Shinohara Hiromichi) - Yaponiya İmperator Ordusunun Hava Xidmətinin kiçik leytenant rütbəli pilotu. O, Yaponiya tarixinin ən uğurlu müharibə pilotlardan biri hesab olunur. 1939-cu ilin 27 iyul tarixində Sovet Sosialist Respublikaları İttifaqı ilə Yaponiya imperiyası arasında baş vermiş Xalxin-Qol döyüşü zamanı təkcə 24 saat ərzində 11 düşmən təyyarəsini zərərsizləşdirmişdir. Bu göstərici Yaponiya üçün rekord hesab olunur.

Hiromiçi Şinohara
yap. 篠原 弘道, Shinohara Hiromichi
1939-cu ilin 11 may-16 sentyabr tarixləri aralığında Sovet Sosialist Respublikaları İttifaqı ilə Yaponiya imperiyası arasında baş vermiş Xalxin-Qol döyüşü dövründə çəkilmiş fotosu.
Şəxsi məlumatlar
Ləqəbi	Şərqin Rixthofen
Doğum tarixi	1 avqust 1913
Doğum yeri	Utsunomiya, Toçiqi, Yaponiya
Vəfat tarixi	27 avqust 1939 (26 yaşında)
Vəfat yeri	Mohorehi, Dornod, Monqolustan
Vətəndaşlığı	Yaponiya
Milliyyəti	Yapon
Hərbi fəaliyyəti
Mənsubiyyəti	Yaponiya İOHX
Qoşun növü	Yaponiya İOHX[d]
Xidmət illəri	1933–1939
Rütbəsi	kiçik leytenant
Döyüşlər	Xalxin-Qol döyüşü

Cəmi 3 ay davam etmiş qırıcı pilot karyerası müddətində 58 dəfə düşmənlə qatıldığı hava döyüşlərindən qalib ayrılmışdır. Hiromiçi Şinoharanın idarə etdiyi təyyarə 1939-cu ilin 27 avqust tarixində Xalxin-Qol döyüşü zamanı növbəti düşmənlə mübarizə də vurularaq indiki Monqolustan ərazisini Dornod vilayətində yerləşən Mohorehi gölünə düşmüş və pilot həlak olmuşdur.

Pilot kimi göstərdiyi xidmətlərə görə Birinci Dünya müharibəsinin görkəmli alman pilotu Manfred fon Rixthofenə bənzətmə olaraq Şərqin Rixthofen təxəllüsü ilə tanınmışdır.