Hümbət Sərxoş oğlu Hümbətov (1 avqust 1965, Aşağı Seyidəhmədli, Füzuli rayonu) — Aqrar elmlər üzrə fəlsəfə doktoru, ADAU-nun professoru.

Hümbət Hümbətov
Hümbət Hümbətov
	Hümbət Sərxoş oğlu Hümbətov
	; Hümbət Hümbətov
Doğum tarixi	1 avqust 1965 (60 yaş)
Doğum yeri	Aşağı Seyidəhmədli, Füzuli rayonu, Azərbaycan SSR, SSRİ;
Elmi dərəcəsi	Aqrar elmlər üzrə fəlsəfə doktoru
Elmi adı	professor
İş yerləri	Azərbaycan Elmi-Tədqiqat Pambıqçılıq İnstitutu,; Azərbaycan Dövlət Aqrar Universiteti;
Təhsili	Azərbaycan Dövlət Aqrar Universiteti;
	Vikianbarda əlaqəli mediafayllar

Hümbət Sərxoş oğlu Hümbətov (1 avqust 1965, Aşağı Seyidəhmədli, Füzuli rayonu) — Aqrar elmlər üzrə fəlsəfə doktoru, ADAU-nun professoru.

Həyatı

Hümbət Hümbətov 1965-ci ildə Füzuli rayonunun Aşağı Seyidəhmədli kəndində anadan olmuşdur. 1982-ci ildə Aşağı Seyidəhmədli kənd orta məktəbinin 10-cu sinfini bitirmişdir. 1985-ci ildə Azərbaycan Kənd Təsərrüfatı İnstititutunun Aqronomluq fakültəsinə daxil olmuş, 1990-cı ildə həmin fakültənin Seleksiya və toxumçuluq ixtisasını fərqlənmə diplomu ilə bitirmişdir. 1989–90-cı illərdə V. Y. Yuryev adına Ümumittifaq Bitkiçilik, Genetika və Seleksiya İnstitutunda təcrübə keçmişdir. 1990–1991-ci illərdə Azərbaycan Elmi-Tədqiqat Pambıqçılıq instititunda elmi işçi işləmiş, 1993-cü ildə AKTA-nın aspiranturasını, 2004-cü ildə doktoranturasını bitirmişdir. Aqrar elmlər üzrə fəlsəfə doktorudur. "Azərbaycan respublikası şəraitində həna və basma bitkiləri becərilməsinin optimallaşdırılması" mövzusunda doktorluq dissertasiyası yerinə yetirmişdir. Hazırda ADAU — nun Bitkiçilik kafedrası üzrə professorudur. Yerli və xarici mətbuatda 100-ə yaxın elmi məqalə, proqram və metodiki göstərişi çap edilmişdir. "Azərbaycanda basma bitkisinin becərilməsi və ondan istifadə edilməsinə dair tövsiyələr"in (1994), "Texniki bitkilər" adlı dərsliyin (2010), "Həna (Lawsonia)" (2011) və "Basma (İndigofera)" (2012) adlı monoqrafiyaların, "Pambıq lifinin texnologiyası" (2012), "Yem otları" (2013), "Şirəli yem bitkiləri" (2013), "Şəkərli və nişastalı bitkilər" (2014), "Lifli bitkilər" (2015), Yağlı və efir yağlı bitkilər (2016), Şəkər çuğunduru (2019), Yem istehsalı (2020), Yem otlarının toxumçuluğu (2023) adlı dərs vəsaitlərinin, Bitkiçiliyin nəzəri əsasları (2023) adlı dərsliyin, Hidroponika (2024)adlı tövsiyənin, Ozon və onun istifadəsi (2024) adlı tövsiyənin müəllifidir. Ailəlidir, bir oğlu var.

Kitabları

Texniki bitkilər (Dərslik). Bakı, "Aytac", 2010, 415 s. (Həmmüəllif: Xəlilov X. Q.)
Həna (Lawsonia) (Monoqrafiya)]. Gəncə, ADAU-nun nəşriyyatı, 2011, 145 s.
Pambıq lifinin texnologiyası (Dərs vəsaiti). Bakı, "Nurlan", 2012, 230 s. (Həmmüəllif: Xəlilov X. Q.)
Basma (İndigofera) (Monoqrafiya)]. Bakı, "Elm və təhsil", 2012, 82 s.
Yem otları (Dərs vəsaiti). Bakı, "Elm və təhsil", 2013, 184 s. (Həmmüəllif: Hüseynov A. R)
Şirəli yem bitkiləri (Dərs vəsaiti). Bakı, "Nurlan", 2013, 152 s. (Həmmüəlliflər: Şabanov M. C., Verdiyeva R. C.)
Şəkərli və nişastalı bitkilər (Dərs vəsaiti). Bakı, "Elm və təhsil", 2014, 328 s.(Həmmüəlliflər: Məmmədov V. Ə. Qəbilov M. Y.)
Lifli bitkilər (Dərs vəsaiti). Bakı: "Elm və təhsil" nəşriyyat poliqrafiya MMC, 2015, 216 s.
Yağlı və efir yağlı bitkilər (Dərs vəsaiti), Bakı:"Elm və təhsil" nəşriyyat poliqrafiya MMC, 2016, 248 s. (Həmmüəlliflər: Bəşirov V. V., Mohumayev V. R.
Şəkər çuğunduru (Dərs vəsaiti), Gəncə, "Star", 2019 104 s.(Həmmüəllif: Babazadə A. R.)
Yem istehsalı (Dərs vəsaiti), Gəncə, "Star", 2020, 480 s.(Həmmüəlliflər: Məmmədov Q. Y., Hüseynov A. R., Məmmədov V. Ə.)
Yem otlarının toxumçuluğu (Dərs vəsaiti), Gəncə, "Star", 2023, 96 s.(Həmmüəlliflər: Xəlilov X. Q., Babazadə A. R.)
Bitkiçiliyin nəzəri əsasları (Dərslik). Bakı, “Elm və Təhsil”, 2023, 204 s. (Həmmüəlliflər: Məmmədov Q. Y., Nəzərəliyeva E. H)
Hidroponika (Tövsiyə) Bakı, “Elm və Təhsil”, 2024, 296 s. (Həmmüəllif: Hüseynov N. V.)
Ozon və onun istifadəsi (tövsiyə). Gəncə, “M” çap evi, 2024, 118 s. (Həmmüəlliflər: Səddinov F. F.2 Hüseynov Ə.Q.3)