LibreOffice — azad və açıq kodlu ofis proqram təminatı paketidir. LibreOffice OpenOffice.org üzərində qurulmuş və 2010-cu ildə istifadəyə buraxılmışdır. LibreOf

LibreOffice — azad və açıq kodlu ofis proqram təminatı paketidir. LibreOffice OpenOffice.org üzərində qurulmuş və 2010-cu ildə istifadəyə buraxılmışdır. LibreOffice Yanvar 2011 və Oktyabr 2011 ayları arasında 7.5 milyon dəfə endirilmişdir. 2018-ci ildə 200 milyon istifadəçini keçmişdir. Fərdi və təşkilatların ianələri hesabına qeyri-kommersiya The Document Foundation himayəsi altında 480-dən çox proqramçı icması tərəfindən hazırlanmışdır.

LibreOffice
Tipi	Ofis paketi
Repozitoriya	git.libreoffice.org
Proqramlaşdırma dili	C++
Əməliyyat sistemi	çarpaz platformalı[d]
İnterfeysin dili	Çoxdilli
Yayımlanma tarixi	25 yanvar 2011
Platforma	IA-32, x86_64[d], ARM[d], PowerPC[d], MIPS[d], Android
Sonuncu versiya	26.2 25.8.5
Oxunan fayl formatları	odt, ods, odp, odg və Microsoft Office fayl formatları
Yaradılan fayl formatları	odt, ods, odp, odg və Microsoft Office fayl formatları
Sayt	libreoffice.org
Vikianbarda əlaqəli mediafayllar

Ofis paketində mətn və cədvəl prosessoru, təqdimatların hazırlanması və baxılması üçün bir proqram, vektor qrafik redaktoru, verilənlər bazası idarəetmə sistemi və düstur redaktoru var. Tətbiqdə istifadə olunan əsas fayl formatı OpenDocument açıq beynəlxalq formatdır (ODF, ISO/IEC 26300), lakin Office Open XML, DOC, XLS, PPT, CDR daxil olmaqla digər populyar formatlarla işləmək mümkündür.

Ofis paketi MPL 2.0 ictimai lisenziyası altında paylanır, buna görə büdcə və ticarət təşkilatlarında, Ev kompüterlərində və təhsil müəssisələrində sərbəst şəkildə quraşdırıla və istifadə edilə bilər.

LibreOffice intensiv inkişaf edir və yarandığı gündən bəri bir çox əlavə imkanları mənimsəmişdir. Paket fərdi kompüterlərin və mobil cihazların müxtəlif əməliyyat sistemləri üçün versiyalarda təqdim olunur, həmçinin LibreOffice Online-ın bulud nəşrində.

Əsas üstünlükləri heç bir ödəmə tələb etməməsi və Microsoft Office formatlarını dəstəkləyib onunla uyğun çalışmasıdır. Funksiyaları və interfeysinə görə seçilən proqramlardan birisidir və istifadəsi olduqca rahatdır. LibreOffice Windows, Linux və macOS sistemlərinə rəsmi saytından endirilə bilər.