Gülarə Əziz qızı Əliyeva (17 noyabr 1933, Bakı – 27 iyul 1991, Bakı) — Azərbaycan musiqiçisi, pianoçu, sənətşünaslıq elmləri namizədi (1966), Azərbaycan SSR əmə

Gülarə Əliyeva
Gülarə Əliyeva
	Gülarə Əziz qızı Əliyeva
Ümumi məlumatlar
Doğum tarixi	17 noyabr 1933
Doğum yeri	Bakı, Azərbaycan SSR, ZSFSR, SSRİ;
Vəfat tarixi	27 iyul 1991 (57 yaşında)
Vəfat yeri	Bakı, Azərbaycan SSR, SSRİ
Vətəndaşlığı	SSRİ
Atası	Əziz Əliyev
Musiqiçi məlumatları
Fəaliyyəti	musiqiçi
Musiqi aləti	piano
Mükafatları

Gülarə Əziz qızı Əliyeva (17 noyabr 1933, Bakı – 27 iyul 1991, Bakı) — Azərbaycan musiqiçisi, pianoçu, sənətşünaslıq elmləri namizədi (1966), Azərbaycan SSR əməkdar incəsənət xadimi (1977).

Həyatı

Əliyeva Gülarə Əziz qızı 17 noyabr 1933-cü ildə Bakıda anadan olub. 1955-ci ildə Azərbaycan Dövlət Konservatoriyasını bitirmişdir. Səid Rüstəmov adına xalq çalğı alətləri orkestrində, eləcə də Ə. Dadaşov adına xalq çalğı alətləri ansamblında çalışmışdır. 1966-cı ildən özünün təşkil etdiyi "Dan ulduzu" instrumental ansamblının rəhbəri idi.

Eyniadlı muğamlar əsasında "Şüştər" rapsodiyası, "Humayun" süitası, "Bayatı-kürd", "Şur" fantaziyalarının müəllifidir; ansambl üçün bir sıra xalq mahnısını aranje etmişdir. Ansambl ilə Əlcəzair, Suriya, Livan, Anqola, İtaliya, Bolqarıstan, Efiopiya, İsveçrə, Hindistan, Finlandiya və s. xarici ölkələrdə çıxış etmişdir. Azərbaycan Mədəniyyət və İncəsənət Universitetində pedaqoji fəaliyyət göstərmiş, 1966–1988 illərdə musiqi nəzəriyyəsi kafedrasının müdiri olmuşdur. "Dan ulduzu" ansamblına onun adı verilmişdir.

1991-ci ildə həyat yoldaşı, kulturoloq Adil Adilovu, Moskva klinikasına müalicəyə yola salarkən kiçik qızı Nuridə və "Dan ulduzu" ansamblının istedadlı violonçelisti Minirə ilə birgə eyvana çıxır və köhnə eyvanın uçması nəticəsində həlak olur. Gülarə Əliyeva qızı Nuridə ilə birlikdə Yasamal qəbiristanlığında dəfn olunub.

Oftalmoloq Zərifə Əliyeva, endokrinoloq Tamerlan Əliyev, onkoloq Cəmil Əliyevin bacısıdır. Həkim Əziz Əliyevin qızıdır.
Prezident Heydər Əliyevin baldızıdır.

Filmoqrafiya

Nəğməkar torpaq (film, 1981)
Dan ulduzu, tale ulduzu (film, 2001)

Video

"Dan ulduzu" ansamblı — Xatirə (1988) — musiqi: Sevil Əliyeva
"Dan ulduzu" ansamblı — Xalq mahnııs "Laçın" (instrumental)
"Dan ulduzu" ansamblı — Nə gəlməz oldun (instrumental) — musiqi: Oqtay Kazımi
Flora Kərimova və Dan ulduzu (instrumental ansambl) "sənsiz" -musiqi: Oqtay Kazımi
Flora Kərimova və Dan ulduzu (instrumental ansambl) "Belə qəmli dayanma" -musiqi: Taleh Haciyev
Flora Kərimova və Dan ulduzu (instrumental ansambl) "Dalğalar" -musiqi: Fuad Qədimov
Hüseynağa Hadıyev və "Dan ulduzu" ansamblı — Sən olmuşam — musiqi: Emin Sabitoğlu, sözlər: Gəray Fəzli
Hüseynağa Hadıyev və "Dan ulduzu" ansamblı — Bu gecə — musiqi: Emin Sabitoğlu, sözlər: Zeynal Xəlil
Hüseynağa Hadıyev və "Dan ulduzu" ansamblı — Nə gözəldir Azərbaycan — musiqi: Emin Sabitoğlu, sözlər: İbrahim Kəbirli
"Dan ulduzu" ansamblı — Sən yadıma düşəndə (instrumental) — musiqi: Elza İbrahimova
Hüseynağa Hadıyev və "Dan ulduzu" ansamblı — Gecələr bulaq başı — musiqi: Elza İbrahimova, sözlər: Bəxtiyar Vahabzadə
Məmmədbağır Bağırzadə — Gözəlim — musiqi: Şahin Əbdülkərimov, sözləri: Süleyman Rüstəm

Həmçinin bax

Dan ulduzu (instrumental ansambl)