Mahnı 6/8 xanə ölçülü, rəqs xarakterli şən bir mahnıdır. Mahnı bənd və nəqəratdən ibarət quruluşa malikdir. Mahnıda Qubanın bir tərəfdən Şahdağ, digər tərəfdən

"Gözəl Quba"
"Gözəl Quba"
Mahnı
Dil	Azərbaycan dili
Bəstəkar	Mircabbar Seyidrüstəmzadə
Sözlərin müəllifi	Mirmehdi Seyidzadə

"Gözəl Quba" — bəstəkar Səid Rüstəmovun şair Mirmehdi Seyidzadənin sözlərinə bəstələdiyi mahnı.

Haqqında

Mahnı 6/8 xanə ölçülü, rəqs xarakterli şən bir mahnıdır. Mahnı bənd və nəqəratdən ibarət quruluşa malikdir. Mahnıda Qubanın bir tərəfdən Şahdağ, digər tərəfdən Xəzərlə əhatə olunduğu, meyvəli bağları, al, qızıl və sarı almaları, payız aylarının da bahara bənzədiyi vəsf olunur. "Gözəl Quba" mahnısı mi-major tonallığında yazılmış və Segah muğamının intonasiyaları üzərində qurulmuşdur.

Mahnı "Azərbaycantelefilm"in 1976-cı ildə istehsal etdiyi "Azərbaycan elləri" filmində Gülağa Məmmədovun ifasında səslənmişdir.

Mahnı sonrakı dövrlərdə Azərbaycan müğənniləri Reyhan Müslümova, Nisa Qasımova və Xəyyam Nisanov tərəfindən də ifa edilmişdir.

Sözləri

Bir yanın Şah dağı, bir yanın Xəzər,
Meyvəli bağların ormana bənzər,
Səhər şəfəqlərin hüsnünü bəzər.

Nəqərat:
Sən belə deyildin əzəl, ay Quba,
Nə qədər gözəlsən, gözəl, ay Quba.

Əyir budaqları bağların barı,
Şirin almaların al, qızıl, sarı,
Baharı bənzəyir payız ayları.

Nəqərat: