Frayburq Universiteti (alm. Albert-Ludwigs-Universität Freiburg‎) — Almaniyanın Baden-Vürtemberq torpağındakı Frayburq-im-Braysqau şəhərində yerləşən ali təhsil

Universitetin əsası 1457-ci ildə qoyulmuşdur.

İlk dövrlərdə universitetdə 4 fakültə mövcud idisə, hazırda bunların sayı 11-ə çatıb.

Avropa Tədqiqat Universitetləri Liqasına daxildir.

Universiteti Amerikanın, eləcə də Avropanın tanınmış universitetləri ilə əməkdaşlıq edir. 70-dən çox ölkədən tələbələrin təhsil aldığı universitet beynəlxalq layihələr və təqaüd proqramları təqdim edir. Universitet DAAD proqramı ilə birlikdə hər il xarici tələbələrin Almaniyada təhsil və kurslarda iştirak edə bilmələri üçün təqaüd proqramı hazırlayır. Yalnız tələbələrə deyil, həmçinin doktorant və alimlər üçün də qısa və uzun müddətli təqaüd proqramları təqdim edir.

Yay məktəblərinin təşkili burada 100 ildən çoxdur ki, ənənə halını almışdır. Universitetlərin nəzdində fəaliyyət göstərən yay dil və mədəniyyət məktəbləri Almaniyanı yaxından tanımaq üçün əla imkanlar yaradır. Bu özündə dil, ənənə, mədəniyyət, cəmiyyət kimi ünsürləri birləşdirir. Məktəbin iştirakçıları dil kursları, müxtəlif mövzularda mühazirələr, ekskursiyalar, muzey və tarixi abidələrin birgə ziyarətindən ibarət olan çox zəngin proqramdan yararlanırlar. Bundan əlavə, yay məktəbi ərzində təhsilini Frayburq Universitetində davam etdirmək istəyən şəxslər üçün alman təhsil sistemi ilə daha yaxından tanış olmaq imkanı da yaradılır.

"Academic Ranking of World Universities"dəki yeri:

2003	2004	2005	2006	2007	2008	2009	2010	2011	2012	2013	2014	2015
102-151	88	90	93	94	96	101-151	101-150	102-150	99	100	101-150	101-150

• 
• 
• 
• 
•