Fernando Kolumb və ya Kolon (isp. Fernando (Hernando) Colomb (Colón), it. Fernando Colombo; 15 avqust 1488, Kordova, Əndəlüs – 12 iyul 1539, Sevilya) — İspaniya

Fernando Kolumb və ya Kolon (isp. Fernando (Hernando) Colomb (Colón), it. Fernando Colombo; 15 avqust 1488, Kordova, Əndəlüs – 12 iyul 1539, Sevilya) — İspaniya yazıçısı, kosmoqrafı, Xristofor Kolumbun oğlu və onun bioqrafı.

Fernando Kolumb
Doğum tarixi	15 avqust 1488(1488-08-15)
Doğum yeri	Kordova, Kordova vilayəti[d], Əndəlüs, İspaniya
Vəfat tarixi	12 iyul 1539(1539-07-12) (50 yaşında)
Vəfat yeri	Sevilya, Kastiliya krallığı
Dəfn yeri	Sevilya kafedralı
Atası	Xristofor Kolumb
Anası	Beatris Ensikes de-Arana[d]
Fəaliyyəti	tədqiqatçı-səyyah[d], kitabxanaçı, bioqraf, rəssam
Vikianbarda əlaqəli mediafayllar

Kristofer Kolumbun iki oğlu olmuşdur — qanuni oğlu Dieqo və qeyri-qanuni oğlu Fernando. Sonuncu İspaniyada Beatris Enrikes de-Arana ilə əlaqəsindən dünyaya gəlmişdir. Atasının ölümündən qısa müddət sonra hər ikisi çox varlı şəxslərə çevrilmiş və dövrünə görə böyük gəlirlər əldə etmişdilər.

Fernando Kolon imperator V Karlın rəğbətini qazanmış, onun bəzi mühüm tapşırıqlarını yerinə yetirmiş, lakin daha çox elmlə məşğul olmuş və Sevilyada özü tərəfindən tikdirilmiş mərmər sarayında böyük kitabxana toplamışdır. Orada həqiqi qrand kimi yaşamış və ildə 200 min frankadək gəlir əldə etmişdir.

Onun kitabxanası (12 min cild) Amerika qitəsinin kəşfi tarixinə aid qiymətli sənədlərlə zəngin olmuş, 1551-ci ildə Sevilya kafedralına keçmiş, lakin XIX əsrdə talan edilmişdir. Fernando tərəfindən həyatının son iki ilində yazılmış atasının həyat hekayəsi 1571-ci ildə Venesiyada nəşr olunmuşdur.