Eyvaz Əbdürəhman oğlu Məmmədov — Azərbaycan-sovet dövlət xadimi, Azərbaycan SSR ədliyyə naziri (1970–1980).

Eyvaz Məmmədov
Eyvaz Məmmədov
Azərbaycan SSR ədliyyə naziri
	2 noyabr 1970 – 29 yanvar 1980
Əvvəlki	İshaq Gülməmmədov; (1959-cu ilədək)
Sonrakı	Nəriman Yusifov
Şəxsi məlumatlar
Doğum tarixi	1921 (104–105 yaş)
Təhsili	Bakı Dövlət Universiteti;
Rütbəsi	polkovnik;

Eyvaz Əbdürəhman oğlu Məmmədov — Azərbaycan-sovet dövlət xadimi, Azərbaycan SSR ədliyyə naziri (1970–1980).

Həyatı

Eyvaz Əbdürəhman oğlu Məmmədov 1921-ci ildə kəndli ailəsində anadan olmuşdur. Azərbaycan Dövlət Universitetini bitirmişdir. 1938–1944-cü illərdə Sovet Ordusunda xidmət etmiş, Böyük Vətən müharibəsi iştirakçısı olmuşdur.

1944–1965-ci illərdə dövlət təhlükəsizliyi orqanlarında xidmət edən Eyvaz Məmmədov 1965–1970-ci illərdə Azərbaycan SSR Nazirlər Soveti yanında Xarici Turizm İdarəsi rəisinin müavini, Azərbaycan SSR Nazirlər Soveti yanında Hüquq Komissiyası sədrinin müavini vəzifələrində işləmişdir.

Eyvaz Məmmədov 1970-ci ildə Ədliyyə Nazirliyi yenidən təsis olunduqda nazir vəzifəsinə təyin edilmiş, 1980-ci ildə təqaüdə çıxanadək bu vəzifədə işləmişdir. O, 1942-ci ildə ÜİK(b)P (Sov. İKP) üzvlüyünə qəbul edilmiş, Azərbaycan Kommunist Partiyası Mərkəzi Komitəsinin üzvü olmuşdur. Azərbaycan SSR Ali Sovetinin 8 və 9-cu çağırış deputatı seçilmişdir.

Həmçinin bax

Azərbaycan ədliyyə nazirlərinin siyahısı