Əbül-Həsən Əli ibn Ömər ibn Əhməd əd-Darəqutni (ərəb. الدارقطني‎; 918, Bağdad – 995, Bağdad) — hədis hafizi, qiraət alimi.

Bağdaddakı Darül-qutnda doğulub. Atası mühəddis olub. Elə bu səbəblə də kiçik yaşlarından hədis sahəsinə yönəlib. Bağdad, Bəsrə, Kufə və Vasit kimi elm mərkəzlərinə səfərlər edərək bu yerlərdəki alimlərdən dərslər alıb. Müəllimləri arasında Əbül-Qasım əl-Bəğavi, İbn Əbu Davud, Məhəmili kimi dövrün məşhur mühəddisləri vardır. Əbu Səid əl-İstəhridən Şafii fiqhini, Əbu Bəkr ən-Nəqqaşdan və İbn Mücahiddən qiraət elmini öyrənib. Baqillani, Hakim ən-Nisaburi, Əbu Zər əl-Hərəvi, Bərqani və Əbu Həmid İsfərayini ona tələbəlik edib. "Əs-Sünən" əsəri məlumdur.