Düz Qırıqlı

Düz Qırıqlı
Düz Qırıqlı
	40°56′22″ şm. e. 45°48′02″ ş. u.HGYO
Ölkə	Azərbaycan;
Tarixi və coğrafiyası
Saat qurşağı	UTC+04:00;
Əhalisi
Əhalisi	6.304 nəf. (2009);
Rəqəmsal identifikatorlar
Poçt indeksi	AZ6025
	Xəritəni göstər/gizlə Düz Qırıqlı

Düz Qırıqlı — Azərbaycan Respublikasının Tovuz rayonunun Düz Qırıqlı kənd inzibati ərazi dairəsində kənd.

Toponimikası

Oykonim düz və qırıqlı (oğuz tayfalarından biri olan qırıqların adını əks etdirən etnotoponim) komponentlərindən düzəlib. Kənd düzənlikdə salındığına görə və Dönük Qırıqlı kəndindən fərqləndirmək məqsədilə belə adlandırılmışdır.

Tarixi

Tarixi abidələri

Düz Qırıqlı kəndində aşağıdakı daşınmaz tarix və mədəniyyət abidələri qeydə alınmışdır:

İnventar №	Abidənin adı	Tarixi	Yerləşdiyi ünvan	Növü	Əhəmiyyət dərəcəsi
1803	Kurqanlar	Orta tunc dövrü	Düz-Qırıqlı kəndi və Zəyamçay arasında	Arxeoloji	Ölkə
1804	Kəblə Namaztəpə yaşayış yeri	Eneolit	Düz-Qırıqlı kəndindən şərqdə	Arxeoloji	Ölkə
5199	Məscid	XIX əsr	Düz Qırıqlı kəndi	Memarlıq	Yerli

Coğrafiyası və iqlimi

Kənd Gəncə-Qazax düzənliyində, Kür çayının cənub–şərqində, İpək yolunun üzərində ("Qırıq ocaq" adlandırılan yerdə) yerləşir.

Əhalisi

İl	Daimi əhali	Kişilər	Qadınlar
1999	5531	2738	2793
2009	↗6304	↗3268	↗3036

Tanınmış şəxsləri

Qənirə Paşayeva — jurnalist, Azərbaycan Respublikası Milli Məclisinin üzvü.
Qəzənfər Paşayev — Filologiya elmləri doktoru və professor, Azərbaycan Respublikasının Əməkdar elm xadimi, ədəbiyyatşünas, folklorşünas, publisist, dilçi, yazıçı və tərcüməçi.
Həmid Həsənov — Azfen MMC-nin Baş Direktoru
Günay Həsənova — Tarix üzrə fəlsəfə doktoru, ədliyyə mayoru

İqtisadiyyatı

Kəndin iqtisadiyyatının əsasını kənd təsərrüfatı təşkil edir.

Kənddə ticarət obyektləri, dəyirman, çörək sexləri, mebel sexi fəaliyyət göstərir.

Mədəniyyəti

Kənddə Düz Qırıqlı kənd kitabxana filialı, Düz Qırıqlı kənd Mədəniyyət Evi, Düz Qırıqlı poçt şöbəsi (AZ6025) fəaliyyət göstərir.

Kənddə ATS, park vardır.

Təhsil

Kənddə N.Əmiraslanov adına Düz Qırıqlı kənd tam orta məktəbi və Düz Qırıqlı kənd 1№-li tam orta məktəbi, Düz Qırıqlı kənd Uşaq Musiqi məktəbi fəaliyyət göstərir.

Bundan başqa kənddə Düz Qırıqlı kənd körpələr evi-uşaq bağçası fəaliyyətdədir.

Din

Kənddə 23 may 2011-ci ildə qeydiyyatdan keçən, şəhadətnamə nömrəsi 100111 A1-536 olan Düz Qırıqlı kənd məscidi dini icması fəaliyyət göstərir.

Səhiyyə

Kənddə Düz Qırıqlı kənd xəstəxanası yerləşir.

Düz Qırıqlı — Azərbaycan Respublikasının Tovuz rayonunun Düz Qırıqlı kənd inzibati ərazi dairəsində kənd.

Mündəricat