Corco Armani (it. Giorgio Armani; 11 iyul 1934[…], Piaçensa, Emiliya-Romanya – 4 sentyabr 2025[…], Milan) — İtaliyalı geyim dizayneri.

Corco Armani Pyaçentsa universitetində tibb üzrə təhsil almış, lakin dizayn işlərinə aludə olduğundan təhsilini başa vurmamışdır. 1964-cü ildə N. Çerrutinin firmasında, 1970-ci ildən isə hazır geyim firmalarında müstəqil işləməyə başlamışdır. 1974-cü ildən öz markası ilə kişi və qadın geyimləri kolleksiyalarını hazırlamışdır. Armani ciddi, qüsursuz klassik üsluba sərbəst görünüş verə bilmişdir. Qadın qarderobuna yumşaq yun parçadan kişi stilində tikilmiş şalvarlı kostyumlar əlavə etmişdir. Armani kolleksiyalarına gənclər üçün cins parçadan geyimlər daxil edən (1981-ci ildən) ilk dizayner olmuşdur. Armaninin estetik prinsipi "nəzərə çarpmayan moda"dır və buna görə də onun modellərində gözəl, dəbdəbəli parçalar və zərif, nəfis aksessuarlar sadə, aydın formalar əsasında birləşmişdir.

"Olimpia Milano" basketbol yığımın prezidentidir. Britaniyanın sportsmenlərin geyimi ilə işləyirdi. "Çelsi" oyunçuları üçün kostyumlar yaratdı.

• Fəxri Legion ordeninin kavaleri.