Charley ATL (tələffüzü: Çarli ATL) — 1987-ci ildə yaranmış Azərbaycan rok qrupu. Yaradıcılıq dövrü boyu proqressiv art-rok janrında ifa edib.

Qrup öz yaradıcılığında Kinq Krimson , Centl Cayant, Raş, Frank Zappa və başqaları kimi belə artistlərin təsirini hiss etdi. Bundan başqa, Charley ATL Azərbaycanda, heç nə ilə müqayisə olunmayan, öz ciddi poetik stilini hazırlayan ilk rok qrupa çevrildi. Çalğı aləti kimi qrup öz musiqilərində Tar alətindən də istifadə etmişdi. Təəssüf ki, qrup yalnız "Hind kinosunun qurbanlarına həsr olunur.." (1990) adlı bir albom çıxara bildi.

Bu alboma «Şah İsmayıl», «Körpə», «Energy», «Anqola camaatı», «Sakitlik-məhəbbət», «Good morning children», «Nara-Nara», «Freyd dünyası» və başqa mahnılar daxil idi. 1991-ci ildə qrupun keçmiş iştirakçılarından biri Vahid Mustafayev Zaqafqaziyada ANS adlı ilk müstəqil teleradio şirkətini əsasını qoydu. Qrupun demək olar ki, bütün musiqiçiləri studiyanın işçisi oldular. Studiya 1994-cü ildən 1998-ci ilə qədər səsyazma studiyalarının arasında lokal bazarda lider idi. Taleyin ironiyası ilə, qrup bu illərdə son vaxtlarını yaşayırdı. 1995-ci ildə «Charley ATL» qrupu öz yaradıcılıq mövcudluğunu bitirdi.

2017-ci ildə qrupun keçmiş üzvləri yenidən birləşərək "Gözəl Çöllər" mahnısını yenidən aranjman edərək klip çəkdilər.

Gündüz Bakılı (Süleymanov) — (Vokal-ritm-gitara)
Stas Kalaşnikov - bas gitara
İsgəndər Ələskərov – zərb alətləri
Pavel Bulakov - proqramlaşdırma, klavişlər
Gennadi Kasımov - zərb alətləri
Eduard Ten - gitara (1994-cü ildə faciəvi həlak olub)
Andron - bas
Vahid Mustafayev - saksofon
Rafiq Vəlimetov - gitara
Vadim Koçerev - saksofon

Hind kinosunun qurbanlarına həsr olunur.. (1990)

Sıra	Mahnının adı	Müddət
1	Freyd dünyası	04:05
2	Göyçaylı	04:54
3	Gözəl çöllər	06:10
4	Şah İsmayıl	04:20
5	Anqola camaatı	06:40
6	Good Morning Children	03:31
7	Körpə	05:17
8	Vətənpərvər Əlisəfər	03:31
9	Dülgər ağa	06:14