Baloğlan Xanoğlan oğlu Əşrəfov (8 oktyabr 1951, Bədəlan, Masallı rayonu – 26 aprel 2021, Bakı) — Azərbaycanlı müğənni Azərbaycan Respublikasının əməkdar artisti

Baloğlan Əşrəfov 1951-ci il oktyabrın 8-də Masallı rayonunun Bədəlan kəndində anadan olmuşdur. 1968-ci ildə həmin kənddə orta məktəbi bitirməklə yanaşı, rayonun 7 illik musiqi məktəbinin nəzdində fəaliyyət göstərən 5 illik tar kursunu bitirmişdir.

1971-ci ildə Azərbaycan radiosunun keçirdiyi "Turac təranələri" radio olimpiadasının qalibi olub. 1974-cü ildə keçirilən "Zəhmətkeşlərin və gənclərin ümumittifaq festivalı"nda qalib olub və diplomu ona Şövkət Ələkbərova təqdim edib. 1978-ci ildə ADU-nun filologiya fakültəsini qurtarıb, 5 il Azərbaycan dili və ədəbiyyat müəllim işləmişdir.

İslam Rzayevin ansamblında çalışarkən bütün Azərbaycanın rayon və kəndlərində çıxışlar etmişdir.

1989-cu ildə yaratdığı "Şəhriyar" (AzKonsertin nəzdində) ansamblı ilə Bakının bütün böyük konsert salonlarında dəfələrlə solo konsertlər vermişdir.

Baloğlan Əşrəfov oxuduğu mahnılarının musiqilərinin çoxunu demək olar ki özü bəstələyib. Dünyanın bir sıra ölkələrində — Türkiyə, İraq, İran, Almaniya və MDB-nin bütün böyük şəhərlərində solo konsert proqramları ilə çıxış edib. İraqda Babilistan festivalında Azərbaycanı təmsil edib.

"Səsi quran sədasıdır" kitabında digər sənətkarlar ona öz rəylərini vermişlərdir. "Yuxuma gəl", "Anam mənim", "Günayım", "Nədəndir" "Tanrıdan diləyim ol" və s. kompakt audio və videodisklərini təqdim edib.

Sənətkar 26 aprel 2021-ci ildə 69 yaşında covid-19 xəstəliyindən vəfat etmişdir. Sənətkar doğulduğu Masallı rayonunun Bədəlan kəndində doğmalarının məzarı yanında torpağa tapşırılıb.

• "Nədəndir"
• "Çağır məni"
• "İtən eşqim"
• "Ay gözəlim bir dayan"
• "Mən səndən ayrılmazdım"
• "Gecələr"
• "Oxu sətir sətir məni"
• "Qayıtma"
• "Gəlin köcər yar"
• "Get məndən uzağ gəz"
• "Aytac qızım"
• "Əllərim əlimə dəymir nə vaxtdır"
• "Sən özgəni mən özgəni sevə bilmərik"
• "Anam mənim"
• "Anacan həyatım mənim"
• "Uçan quşlar"
• "Qızıl gülümün rəngi niyə saraldı"
• "Nə bənövşə nə qızıl gül"
• "Yalan dünya"
• "Azərbaycan torpağı"
• "Nələr gördüm dünyada"
• "Gözlərim gəzir səni"
• "Bu qız nə gəşəndir"
• "Altımış yaş nədir hələm"
• "İntizaram"
• "Niyə hamı mənə biganə olub"
• "Sabah o qızın toyudur"
• "Mənim alagöz yarım"
• "Yuxuma gəl"
• "Mən o sevgilinəm sən o deyilsən"
• "Ey sarıvan"
• "Təranə"
• "Sona qızım"
• "Darıxmağa qoyma məni"
• "Gəlməməliydim"
• "Qarabağ vətəndir"
• "Məndə varam dünyada"
• "Birin bilib o birini bilmirsən"
• "Gəlirəm yoluma cıx"
• "Sənin bircə baxışını"
• "İstəmirəm gedəsən"
• "Halalın olsun"
• "O günlər"
• "Canım məhəbbət"
• "Kimə gərəkdir"
• "Musafirim"

• "İstedadlar axtarırıq" konsert müsabiqəsinin laureatı — 1982
• Azərbaycanın əməkdar artisti — 2007