Adil Teymur oğlu Şükürov (16 avqust 1977, Laçın) — azərbaycanlı futbol məşqçisi və sabiq futbolçu, "Səbail" futbol klubunun baş məşqçisi.

Evlidir, 3 qızı var.

1985-ci ildən "Neftçi" futbol cəmiyyətində ilk dəfə olaraq Ruslan Abdullayevin rəhbərliyi altında futbolun sirlərinə yiyələnməyə başlamışdır. 1987-ci ildə Ruslan Abdullayev Əlcəzair milli komandasını çalişdırmağa getdiyindən, Adili özündən bir il böyük yaş qrupuna — Pankratov Valeri Pavloviçin rəhbərlik etdiyi "Neftçi" cəmiyyətinin digər komandasına məsləhət görür. Özündən bir yaş böyük uşaqlarla oynamağına baxmayaraq, əsas heyətdə möhkəmlənməyi bacarmış və bu komanda ilə iki il ardıcıl olaraq Bakı şəhər birinciliyinin qalibi olmuşdur. 1989-cu ildə məşqçisi Valeri Pavloviç Moskva şəhərinin Penza rayonunun futbol akademiyasına idman direktoru təyin olduğuna görə, Adili həmkarlar ittifaqı komandasının 1977-ci il təvəllüdlülərindən ibarət komandasına keçməyini məsləhət görür. Bu komandada Xlucin Vitali Stepanovıç və Zalatarov İvan Sirqeyeviçin rəhbərliyi altında bir dəfə Azərbaycan birinciliyinin ikincisi və bir dəfə də Azərbaycan kubokunun qalibi olmuşdur. 1992-ci ildən Azərbaycanın birinci heyətinin "Azal" komandasına və bir il sonra 1993-cü ildə "Neftçi"nin əsas komandasının təlim məşq toplanışlarına Vaqif Sadıqovun rəhbərliyi altında dəvət olunur. "Neftçi"də təlim məşq toplanışlarında hazırlıq keçdikdən sonra həmin komanda ilə müqavilə bağlasa da, yaşının az olması səbəbindən onu "Neftçi"nin ikinci komandası olan "Zabrat" komandasına icarəyə verirlər. Elə həmin il də bu komanda ilə Azərbaycan cempionu olaraq, ölkənin yüksək liqasında oynamaq imkanı qazanır.

1995-ci ilə qədər "Zabrat" komandasında yüksək liqada oynayır. 1995–1997-ci illərdə ölkənin yüksək liqasında oynayan "Fərid" FK-da, 1997–1998-ci il mövsümündə "Şəfa" komandasında, 1998–1999-cu illərdə isə "Bakılı" komandasında oynayır. "Bakılı" komandasında oynayan zaman ölkənin 21 yaşlılardan ibarət milli komandasına dəvət alır.

1999–2001-ci illərdə "Kəpəz" FK ilə Azərbaycan cempionatının gümüş medalını qazanır və ölkə kubokunun qalibi olur. 2001–2002-ci il mövsümündə "Xəzər Universiteti" komandasında, 2002–2003-cü il cempionatında yenidən "Bakılı" komandasinda ölkə kubokunun yarımfinalına qədər irəliləyir. 2003–2005-ci il cempionatında "Şəfa" klubu ilə ölkə çempionatının bürünc medalını qazanır. 2005–2006-cı il mövsümündə Cənubi Azərbaycanın "Traktor Sazi" komandasında oynayaraq İran çempionatında iştirak edən komandalar arasında 4-cü yeri qazanırlar. 2006–2007-ci il çempionatında "Karvan" komandası ilə Azərbaycanda ilk dəfə olaraq UEFA kubokunda mərhələ adlayır. 2007–2008-ci ci il mövsümündə Sumqayıt şəhərinin "Gənclərbirliyi" klubunda futbolçu kimi çıxış etdiyi son komanda oldu.

Peşəkar futbolçu karyerası

Mövsüm	Klub	Liqa	Ölkə
2007 – 2008	MOİK Bakı FK	Premyer Liqa	Azərbaycan
2006 – 2007	Karvan İK (Yevlax)	Premyer Liqa	Azərbaycan
2005 – 2006	Traktor FK (Təbriz)	Premyer Liqa	İran
2003 – 2005	Şəfa FK	Premyer Liqa	Azərbaycan
2002 – 2003	Bakılı PFK	Premyer Liqa	Azərbaycan
2001 – 2002	Xəzər Üniversiteti FK (Bakı)	Premyer Liqa	Azərbaycan
1999 – 2001	Kəpəz PFK (Gəncə)	Premyer Liqa	Azərbaycan
1995 – 2006	187 Matç – 18 Qol	Premyer Liqa	Azərbaycan
1994 – 1998	U17/19/21	Milli Komanda	Azərbaycan

2008-ci ildən isə məşqçılık karyerasına başlayır. Elə həmin il AFFA-nın təşkil etdiyi məşqçilik kurslarına qatılır və bu kursu fərqlənmə ilə bitirir. Azərbaycanın 15 yaşlılardan ibarət milli komandasında Alman mütəxəssis Oliver Pelserin yanında köməkçi məşqçi kimi fəaliyyətini davam etdirir. 2009–2010-cu illərdə Oliver Pelserlə birlikdə Azərbaycanın 17 yaşlılardan ibarət komandasında yenidən köməkçi məşqçi kimi işləyir. 2010–2011-ci illərdə isə Azərbaycanın 17 yaşlılardan ibarət milli komandasında baş məşqçi kimi işini davam etdirir. 2011–2012-ci ildən "Bakı" FK-nun 14 yaşlılardan ibarət komandası ilə bürünc, 2012–2013-cü il çempionatında isə baş məşqçi kimi "Bakı" FK-nun 15 yaşlılardan ibarət komandası ilə ölkə çempionatinin gümüş medalını qazanır. 2013–2014-cü il mövsümündə isə "BAKI" FK-nun 17 yaşlılardan ibarət komandasında baş məşqçi kimi ölkə çempionu və ölkə kubokunun qalibi adlarını qazanır.

Bundan sonra əldə etdiyi bütün bu nailiyyətləri nəzərə alaraq, klub rəhbərliyi Adil Şükürovu ən yüksək məşqçilik kateqoryası olan "UEFA PRO" kursuna qatılmağını məsləhət gördü. Bu kurs çərçivəsində Adil ŞükürovunTürkiyənin ən böyük klublarından olan "Fənərbaxça" komandasının uşaq futbolunun strukturunu öyrənir. "BJK"-nın "A" komandasında Slaven Biliçin yanında bir həftə təcrübə keçir.

"Zirə" futbol klubunun baş məşqçisi kimi fəaliyyət göstərmişdir.

Adil Şükürov hal-hazırda "Turan Tovuz" futbol akademiyasının direktoru kimi fəaliyyətini davam etdirir.

Adil Şükürov 13 noyabr 2023-cü ildə "Kəpəz" futbol klubunun baş məşqçisi seçilib və onunla iki illik müqavilə bağlanılıb. 29 avqust 2024-cü ildə o, bu vəzifədən öz qərarı ilə istefa edib və klubdan ayrılıb.

10 iyun 2025-ci ildə Adil Şükürov yenidən "Kəpəz"in baş məşqçisi təyin edilib və onunla 2 illik müqavilə imzalanıb. Onun komandaya rəhbərlik etdiyi dönəmdə oynanmış 5 matçın hamısı "Kəpəz"in məğlubiyyəti ilə nəticələnib. Bu uğursuzluq səbəbi ilə azarkeşlərdə yaranmış etirazlar fonunda 20 sentyabr 2025-ci ildə oynanılmış "Qəbələ" – "Kəpəz" qaşırlaşmasında Adil Şükürov ilə azarkeşlər arasında insident yaşanıb və o, azarkeşlərdən birini təhqir edib. Bu insidentdən sonra 22 sentyabr 2025-ci ildə "Kəpəz" Şükürovun müqaviləsinə qarşılıqlı razılıq əsasında xitam verildiyini açıqlayıb.

29 noyabr 2025-ci ildə o, "Səbail" klubunun baş məşqçisi təyin olunub.

Peşəkar məşqçi karyerası

Mövsüm	Klub	Liqa	Ölkə
2025	"Kəpəz PFK"-da baş məşqçi	Azərbaycan Premyer Liqası	-	2023 – 2024	"Kəpəz PFK"-da baş məşqçi	Azərbaycan Premyer Liqası	Azərbaycan
2021 – 2022	Turan Tovuz Futbol Akademiyasında direktor	Futbol Akademiyası	Azərbaycan
2019 – 2020	"Şüvəlan FK"-da baş məşqçi	Azərbaycan I Divizionu	Azərbaycan
2017 – 2019	"Zirə FK" Futbol Akademiyasında direktor	Futbol Akademiyası	Azərbaycan
2015 – 2017	"Zirə FK"-da baş məşqçi	Azərbaycan Premyer Liqası	Azərbaycan
2013 – 2015	U17 Bakı FK-da baş məşqçi	Bakcell U17 Liqa	Azərbaycan
2012 – 2013	U15 Bakı FK-da baş məşqçi	Kapital Bank U15 Liqa	Azərbaycan
2011 – 2012	U14 Bakı FK-da baş məşqçi	U14 Liqa	Azərbaycan
2010 – 2011	U17-də baş məşqçi	Milli komanda	Azərbaycan
2009 – 2010	U17-də köməkçi məşqçi	Milli komanda (Məşqçi Oliver Pelzer)	Azərbaycan
2008 – 2010	U15 Bakı FK-da köməkçi məşqçi	Kapital Bank U15 League (Məşqçi Valeri Şakarov)	Azərbaycan
2008	U15-də köməkçi məşqçi	Milli Komanda (Məşqçi Oliver Pelzer)	Azərbaycan