Əsər "Səhifətu-Həmmam ibn Münəbbih" (ərəb. صحيفة همام بن منبه‎) də adlanır. Əsər dövrümüzə qədər gəlib çatmış ilk yazılı hədis mətnlərindən biridir. Həmmamdan M

*Əs-Səhifətus-Səhihə*
Əs-Səhifətus-Səhihə
	ərəb. الصَّحِيفَةُ الصَّحِيحَةُ‎
Müəllif	Həmmam ibn Münəbbih
Janr	hədis
Orijinalın dili	ərəb dili
Ölkə	Əməvilər

Əs-Səhifətus-Səhihə (ərəb. الصَّحِيفَةُ الصَّحِيحَةُ‎) — ilk yazılı hədis mənbələrindən biri.

Əsər

Əsər "Səhifətu-Həmmam ibn Münəbbih" (ərəb. صحيفة همام بن منبه‎) də adlanır. Əsər dövrümüzə qədər gəlib çatmış ilk yazılı hədis mətnlərindən biridir. Həmmamdan Məmər ibn Rəşid, ondan tələbəsi Əbdürrəzzaq əs-Sənani, ondan da Əhməd ibn Hənbəl, Buxari və Müslim kimi mühəddislər bu məcmuəni rəvayət etmişlər. Bu əsərdə Allahın sifətləri, sünnənin əhəmiyyəti, namaz, oruc, cihad, tövbə, əxlaq, keçmiş ümmətlər, peyğəmbərlər, cənnət və cəhənnəm kimi mövzularda 139 (bəzi mənbələrdə 138 və ya 136) hədis yer alır.

Müəllif

Əsərin müəllifi tabiin nəslinə mənsub olan Həmmam ibn Münəbbihdir. O, Yəməndə doğulmuş və orada da vəfat etmişdir.

Nəşrlər

Əsər müxtəlif tarixlərdə Heydərabadda, Parisdə, Qahirədə, Beyrutda, Ankarada və İstanbulda dəfələrlə nəşr edilmiş, ingilis, fransız, urdu və türk dillərinə tərcümə edilmişdir.