Şrek 5 (ing. Shrek 5) — Amerika istehsalı, DreamWorks Animation tərəfindən hazırlanan və Universal Pictures tərəfindən yayımlanacaq animasiya, fantastika və kom

Şrek 5 (ing. Shrek 5) — Amerika istehsalı, DreamWorks Animation tərəfindən hazırlanan və Universal Pictures tərəfindən yayımlanacaq animasiya, fantastika və komediya janrlı cizgi filmidir. Vilyam Steyqin 1990-cı ildə nəşr olunmuş Şrek! adlı kitabına əsaslanan bu film, "Əbədi Şrek" (2010) filminin davamıdır və Şrek franşizasının beşinci əsas, ümumilikdə isə yeddinci cizgi filmidir. Filmin rejissorları Valt Dorn və Konrad Vernondur, ssenari həmmüəllifi isə Brad Ablesondur. Filmin ssenari müəllifi Maykl Makkallersdir. Prodüserləri isə Illumination şirkətinin icraçı direktoru Kris Meledandri və Gina Şaydır. Filmin əsas personajlarını əvvəlki aktyorlar səsləndirəcək. Mayk Mayers (Şrek), Eddi Mörfi (Eşşək) və Kameron Diaz (Şahzadə Fiona) rollarını yenidən səsləndirəcək. Bundan əlavə, məşhur aktrisa Zendaya da filmin heyətinə qoşulacaq.

Şrek 5
ing. Shrek 5
Janr	animasiya
Növü	Animasiya Fəntəzi Macəra Komediya Romantik komediya
Rejissorlar	Valt Dorn Konrad Vernon
Prodüserlər	Kris Meledandri Gina Şay
Ssenari müəllifi	Maykl Makkallers
Rolları səsləndirənlər	Mayk Mayers Eddi Mörfi Kameron Diaz Antonio Banderas Zendaya
Bəstəkar	bilinmir
Ölkə	ABŞ
Studiya	DreamWorks Animation
Distribüsiya	Universal Pictures
İl	30 iyun 2027
Dil	ingilis dili
Əvvəlki	Əbədi Şrek
IMDb	ID6113186
Rəsmi saytı

Şrek 5 ilk dəfə Şrek 2 (2004) filminin buraxılışından sonra planlaşdırılmış və 2013-cü ildə nümayişi nəzərdə tutulmuşdu. Lakin DreamWorks Animation-ın keçmiş icraçı direktoru Ceffri Katzenberq franşizanı dördüncü filmlə tamamlamalı olduqlarını düşündüyü üçün bu planlar ləğv edildi. 2014-cü ildə layihə yenidən aktivləşdirildi və 2016-cı ildə Universal Pictures filmi rəsmi olaraq təsdiqlədi.

Şrek 5-in ABŞ kinoteatrlarında 30 iyun 2027-ci ildə nümayişi planlaşdırılır.