İsmətli (əvvəlki adı: Konstantinovka) — Azərbaycan Respublikasının Biləsuvar rayonunun İsmətli kənd inzibati ərazi dairəsində kənd. Azərbaycan Respublikası Ali

İsmətli
İsmətli
	39°31′57″ şm. e. 48°31′38″ ş. u.HGYO
Ölkə	Azərbaycan;
Tarixi və coğrafiyası
Saat qurşağı	UTC+04:00;
Əhalisi
Əhalisi	3.884 nəf. (2009);
Rəqəmsal identifikatorlar
Poçt indeksi	AZ1318
	Xəritəni göstər/gizlə İsmətli

İsmətli (əvvəlki adı: Konstantinovka) — Azərbaycan Respublikasının Biləsuvar rayonunun İsmətli kənd inzibati ərazi dairəsində kənd. Azərbaycan Respublikası Ali Sovetinin 25 may 1991-ci il tarixli, 123-XII saylı Qərarı ilə Biləsuvar rayonunun Konstantinovka kəndi Kirovka kənd Sovetindən ayrılaraq, bu kənd mərkəz olmaqla Konstantinovka kənd Soveti yaradılmışdır. Azərbaycan Respublikası Milli Məclisinin 29 dekabr 1992-ci il tarixli, 428 saylı Qərarı ilə Biləsuvar rayonunun Konstantinovka kəndi İsmətli kəndi adlandırılmışdır.

Toponimikası

Yaşayış məntəqəsini XIX əsrdə Rusiyadan köçürülmüş rus kəndliləri Konstantinovka adı ilə salmışdılar. 1992-ci ildən kəndə İsmət Qayıbovun şərəfinə İsmətli adı verilmişdir.

Tarixi

Tarixi abidələri

Kənddə daşınmaz tarix və mədəniyyət abidəsi qeydə alınmamışdır.

Coğrafiyası və iqlimi

Kənd düzənlikdə yerləşir.

Əhalisi

İl	Daimi əhali	Kişilər	Qadınlar
1999	3334	1614	1720
2009	↗3884	↗1976	↗1908

Tanınmış şəxsləri

Mütəllimli Mətləb Əzizulla oğlu — Sosial Ədalət Partiyasının sədri, Azərbaycan Respublikasının Milli Məclisinin I çağırış deputatı, Azərbaycan Ali Sovetinin XII çağırış deputatı, Azərbaycan Respublikasının baş prokurorunun birinci müavini.

Ələddin Eyvazov — azərbaycanlı alim.
Fikrət Cahangirov — filologiya elmləri doktoru, professor.
Pərviz Cəbrayıl — azərbaycanlı yazıçı.
Əli Davudov - tibb elmləri namizədi,dosent. Görkəmli travmatoloq.Travmatologiya institutunda şöbə müdiri

İqtisadiyyatı

Əhalisi əsasən pambıqçılıq, taxılçılıq və heyvandarlıqla məşğul olur.

Mədəniyyəti

Kənddə İsmətli kənd kitabxana filialı, İsmətli kənd klubu, İsmətli Poçt Şöbəsi (AZ1318) və İsmətli EATS fəaliyyət göstərir.

Təhsil

Kənddə Xanlar Qafarov adına İsmətli kənd tam orta məktəbi fəaliyyət göstərir.

Din

Kənddə 20 aprel 2016-cı ildə qeydiyyatdan keçən, şəhadətnamə nömrəsi 100115 A-624 olan İsmətli kəndi "Əbülfəzl" məscidi dini icması fəaliyyət göstərir.

Səhiyyə

Kənddə İsmətli kənd həkim məntəqəsi yerləşir.