Şıxəli Qurban oğlu Qurbanov (16 avqust 1925, Bakı – 24 may 1967, Bakı) — Azərbaycan yazıçısı, dramaturq, şair, filoloq-alim, ədəbiyyatçı, dövlət və ictimai xadi

Şıxəli Qurbanov
Şıxəli Qurbanov
Azərbaycan Kommunist Partiyası Mərkəzi Komitəsinin katibi
	fevral 1966 – 24 may 1967
Birinci katib	Vəli Axundov
Azərbaycan Kommunist Partiyası Voroşilov Rayon Komitəsinin birinci katibi
	1957 – 1957
Azərbaycan Kommunist Partiyası Stalin Rayon Komitəsinin birinci katibi
	1955 – 1956
Sonrakı	Henrix Pisman
Şəxsi məlumatlar
Doğum tarixi	16 avqust 1925
Doğum yeri	Bakı, Bakı qəzası, Azərbaycan SSR, ZSFSR, SSRİ;
Vəfat tarixi	24 may 1967 (41 yaşında)
Vəfat yeri	Bakı, Azərbaycan SSR, SSRİ;
Vəfat səbəbi	zəhər[d]
Dəfn yeri	Birinci Fəxri Xiyaban;
Partiya	Sovet İttifaqı Kommunist Partiyası;
Təhsili	Azərbaycan Dövlət Pedaqoji Universiteti;
Fəaliyyəti	siyasətçi, şair
Hərbi xidmət
Mənsubiyyəti	Sovet Sosialist Respublikaları İttifaqı
Döyüşlər	Böyük Vətən müharibəsi;
Rütbəsi	çavuş;
Elmi fəaliyyəti
Elm sahəsi	ədəbiyyatşünaslıq
Elmi dərəcəsi	filologiya elmləri doktoru (1950);
Təltifləri	;

Şıxəli Qurban oğlu Qurbanov (16 avqust 1925, Bakı – 24 may 1967, Bakı) — Azərbaycan yazıçısı, dramaturq, şair, filoloq-alim, ədəbiyyatçı, dövlət və ictimai xadim, filologiya elmləri doktoru, Ü. Hacıbəyov adına Azərbaycan SSR Dövlət mükafatı laureatı (1967). Ş. Qurbanov Azərbaycan EA-nın Dil və Ədəbiyyat İnstitutuna rəhbərlik etmişdir. Dəfələrlə Azərbaycan SSR Ali Sovetinə deputat seçilmiş, orden və medallarla təltif olunmuşdur.

Həyatı

Şıxəli Qurban oğlu Qurbanov 16 avqust 1925-ci ildə Bakıda doğulmuşdur.

Ölümü

Şıxəli Qurbanov uzunmüddətli fasilədən sonra 1967-ci ildə Azərbaycanda ilk dəfə dövlət səviyyəsində Novruz bayramının keçirilməsinə müvəffəq olmuşdur. Mərkəzi Komitənin birinci katibi Vəli Axundov onu təhlükəli işlər gördüyü barədə xəbərdarlıq etmişdi. Şıxəli Qurbanov isə öz hərəkətlərinə görə özü cavab verəcəyini demişdi. Qurbanovu izahat yazmağa çağırdılar. O da Novruz bayramının tarixi ilə bağlı 22 səhifəlik izahat yazdı. Sübut etdi ki, Novruz bayramı heç də dinlə əlaqəli bayram deyil.

1967-ci ilin may ayının 24-də Şıxəli Qurbanov dişlərini müalicə etdirmək üçün həkimə gedir və elə oradaca müəmmalı şəkildə vəfat edir. Həkim dişinə iynə vurarkən Şıxəli Qurbanov ölmüş, həkim pəncərədən qaçmışdır. Ailəsi onun ölümünün dövlət səviyyəsində hazırlandığını iddia edir. Şıxəli Qurbanovun qızı Gülnarə Qurbanova: "Aydın məsələdir ki, Şıxəli Qurbanovu öldürüblər. O zaman vəzifəyə gəlmək istəyənlər dövlət səviyyəsində bunu təşkil etdilər. Məlum oldu ki, ona sianid turşusu vurublar".

Mükafatları

Üzeyir Hacıbəyov adına Azərbaycan SSR Dövlət mükafatı — 1967
"Lenin" ordeni
"İgidliyə görə" medalı
"Köniqsberqin alınmasına görə" medalı
"1941-1945-ci illər Böyük Vətən müharibəsində Almaniya üzərində qələbəyə görə" medalı