Hitler ailəsi — Avstriyada anadan olmuş alman siyasətçisi və Nasist Partiyasının lideri, rəsmi olaraq Milli Sosialist Alman İşçi Partiyası (Nationalsozialistisc

Hitler ailəsi — Avstriyada anadan olmuş alman siyasətçisi və Nasist Partiyasının lideri, rəsmi olaraq Milli Sosialist Alman İşçi Partiyası (Nationalsozialistische Deutsche Arbeiterpartei və ya NSDAP) kimi tanınan Adolf Hitlerin (20 aprel 1889 – 30 aprel 1945) qohumlarından və əcdadlarından ibarətdir. Hitler Almaniyanın diktatoru idi. O 1933 və 1945-ci illər arasında Almaniya kansleri tituluna sahib idi və 1934-cü ildən 1945-ci ilə qədər Führer və Reichskanzler kimi dövlət başçısı vəzifəsində çalışmışdır.

Hitlerin ata tərəfindən babası ilə bağlı bioloji qeyri-müəyyənlik, eləcə də ailə daxilindəki münasibətlər və onların Hitlerin uşaqlığı və sonrakı həyatı boyunca ona psixoloji təsiri səbəbinə görə ailəsi uzun müddət tarixçilər və şəcərəşünaslar üçün maraq doğurub.