"Kreator TV" — "Davorin Stetner" şirkətinin sahibi olduğu Xorvatiya idman telekanalı. Telekanal Xorvatiyanın bütün IPTV və kabel operatorlarında (Max TV, B. Net

"Kreator TV" — "Davorin Stetner" şirkətinin sahibi olduğu Xorvatiya idman telekanalı. Telekanal Xorvatiyanın bütün IPTV və kabel operatorlarında (Max TV, B. Net, Iskon TV, Opti TV, Amis TV, VIP TV) və Bosniya və Herseqovinanın "Home TV" operatorunda yayımlanır. "Kreator TV"-nin studiyaları və yayım qurğuları Yastrebarsko şəhərində yerləşir.

«Kreator TV»
Telekanalın rəsmi loqosu
Ölkə	Xorvatiya
Yayım ərazisi	Xorvatiya Bosniya və Herseqovina
Dil	Xorvat dili
Baş qərargah	Yastrebarsko, Xorvatiya
Yaranma tarixi	11 aprel 2011
Sahibi	Davorin Stetner
Keçmiş adları	«Kreator F1»
Sayt	kreator.tv

"Kreator TV" 2011-ci ildə yayıma başlamışdır. Telekanal bir müddət "Kreator F1" və "Kreator F1 HD" adı altında Xorvatiya ərazisinin ən böyük provayderi olan "Max TV"-də Formula 1 (F1) yarışlarını yayımlayırdı. "Kreator TV"-in sahibi olan "Croatian Telecom" şirkəti Xorvatiya üçün xüsusi F1 yayım hüquqlarını satın almışdır. Formula 1 yarışlarını yayımlayan telekanal 2013-cü ilin ikinci yarısından "Kreator TV" adı altında yayımlanır.

"Kreator TV" yüksək səviyyəli və böyük tarixə malik yarışların yayım hüququna malikdir. Telekanalda Formula 1, MotoGP, MX GP, FIA WTCC, FIA ERC kimi yarışlar nümayiş olunur. "Kreator TV" 2015-ci ildə Xorvatiya İkinci Futbol Liqasının yayım hüququnu əldə etmişdir. "Kreator TV" həmçinin motosport idmanı üzrə ixtisaslaşan jurnalistlərin çalışdığı telekanal hesab olunur. Telekanal Levis Hamilton, Niko Rosberq (karyerasının sön müsahibələrindən biri), Valentino Rossi, Ken Blok kimi ən yaxşı idmançılardan eksklüziv müsahibələri götürməklə seçilir.