Azərbaycanca (AZ)
Deutsch (DE)
English (US)
Қазақша (KZ)
Lietuva (LT)
සිංහල (LK)
Türkçe (TR)
O'zbekcha (UZ)
中國人 (CN)
Arif Məmmədli (tam adı:Arif Kamran oğlu Məmmədov; 1 iyul 1959, İmanlar, Laçın rayonu) — müəllim, şair, jurnalist, "Laçın yurdu" jurnalının təsisçisi və baş redaktoru, Azərbaycan Jurnalistlər Birliyinin, Azad Müəllimlər Birliyinin (1993) üzvü.
| Arif Məmmədli | |
|---|---|
 | |
| Doğum tarixi | 1 iyul 1959 (66 yaş) |
| Doğum yeri |
|
| Təhsili |
|
| Fəaliyyəti | jurnalist, şair, publisist |
| Fəaliyyət illəri | 1978-ci ildən |
| Əsərlərinin dili | Azərbaycan dili |
| İstiqamət | poeziya, publisistika |
| Janr | nəsr |
| Üzvlüyü |
|
 Vikianbarda əlaqəli mediafayllar | |
Həyatı
Arif Məmmədov 1 iyul 1959-cu ildə Laçın rayonunun İmanlar kəndində anadan olub. İbtidai təhsilini doğma kəndində alıb. Sonra təhsilini qonşu kənddə davam etdirərək 1974-cü ildə Şəlvə kənd 8 illik məktəbini tərifnamə ilə bitirib. Elə həmin il Şuşa Pedaqoji Texnikumuna daxil olub və 1978-ci ildə təhsilini başa vuraraq təyinatla İmanlar kənd orta məktəbinə müəllim təyin edilib.
1983-cü ildə keçmiş Sovet Ordusuna hərbi xidmətə çağrılıb. 1985-ci ildə ordudan tərxis olunaraq əvvəlki iş yerində yenidən müəllimlik fəaliyyətinə başlayıb. 1987-ci ildə Azərbaycan Dövlət Pedaqoji Universitetinə qəbul olunub. 1991-ci ildə isə ali təhsilini tamamlayıb.
1992-ci ildə erməni qəsbkarlarının torpaqlarımızın bir hissəsini işğal etməsi nəticəsində qaçqın düşərək Bakı şəhərində müvəqqəti məskunlaşıb.
1993-cü ildən Azad Müəllimlər Birliyinin (AMB) üzvüdür. Bu gün AMB-nin idarə heyətinin üzvü olaraq ictimai iş aparır. Təhsil sisteminin demokratikləşdirilməsi, təhsil işçilərinin hüquqlarının müdafiəsi istiqamətində aparılan bütün diskussiya, dəyirmi masa, konfrans və debatlarda xüsusi fəallıq göstərir, müxtəlif proqramların və layihələrin həyata keçirilməsində üzərinə düşən vəzifənin öhtəsindən layiqincə gəlir.
Ailəlidir. Bir oğlu, iki qızı və dörd nəvəsi var.
Fəaliyyəti
Pedaqoji fəaliyyəti
1978–1983-cü illərdə təyinatla İmanlar kənd orta məktəbində müəllim işləyib. 1985-ci ildə ordudan tərxis olunaraq əvvəlki iş yerində yenidən müəllimlik fəaliyyətinə başlamışdır.
1992–1993-cü tədris ilində Nəsimi rayonunundakı 211 saylı orta məktəbdə müəllim, 1993–1994-cü tədris ilində 159 saylı məktəbdə ibtidai siniflər üzrə dərs hissə müdiri işləyib. O vaxtdan həm də məcburi köçkünlərin uşaqları üçün açılmış 10 saylı Laçın rayon orta məktəbində çalışıb, hal-hazırda da həmin məktəbin müəllimidir. Eyni zamanda jurnalistlik fəaliyyəti ilə məşğuldur.
Ədəbi fəaliyyəti
Mətbuatda ilk şeiri 1978-ci ildə dərc olunub. Respublikanın müxtəlif qəzet və və jurnallarında, ədəbi almanaxlarda bədii yazıları, eləcə də publisistik məqalələri vaxtaşırı işıq üzü görür. "Dağlar məni bağışlamaz" (şeirlər) və "Bir şair yol gedir" (publisistik) kitablarının müəllifidir. Onlarla kitaba ön söz yazıb, redaktorluq edib.
Jurnalistlik fəaliyyəti
1998-ci ildən Azərbaycan Tibb Universitetinin orqanı olan "Təbib" qəzetində müxbir işləyir. "Laçın yurdu" adlı ədəbi-bədii, publisistik jurnalın təsisçisi və baş redaktorudur.
Əsərləri
Kitabları
Məqalələri
- "Hələ yaşamağa dəyər", "Laçın yurdu" jurnalı, № 1,(4), 2012, Bakı, "Bəxtiyar-4" nəşriyyatı, 2012. səh.24-də.
- "Adam olmağın çətinliyi", "Bütöv Azərbaycan" qəzeti, № 23,(242), 11–17 sentyabr 2014. səh.6.
Həmçinin bax
- "Laçın yurdu" jurnalı
vikipedia, viki, ensiklopediya, kitab, məqalə, oxumaq, pulsuz yüklə, arif məmmədli sözünün mənası, arif məmmədli haqqında məlumat. arif məmmədli nədir? arif məmmədli nə deməkdir?