Ağasıyev Qazıməmməd Ağası oğlu (1882, Axtı – 19 sentyabr 1918, Qasımkənd, Dağıstan vilayəti) — fəhlə hərəkatı iştirakçısı. Azərbaycanda və Dağıstanda sovet haki

Qazıməmməd Ağasıyev 1896-cı ildə Bakıya gəlmiş, Balaxanı, Bibiheybət neft mədənlərində işləmişdir. 1904-cü ildə RSDFP-yə daxil olmuşdur. 1905 ildə Bakı Fəhlə Deputatları Sovetinin üzvü seçilmişdir. Dağıstandan olan ləzgi fəhlə və kəndlilər arasında inqilabi iş aparan ―Faruq‖("Ədalət carçısı") sosial-demokrat qrupunun yaradıcılarından idi. 1908 ildə Neft Sənayesi Fəhlələri İttifaqının Bibiheybət şöbəsinin idarə heyətinə seçilmişdi. Həmin il Bakıdan sürgün edilmiş, Gəncədə inqilabi iş aparmış, həbs olunmuşdur. Həbsdən sonra Dağıstanda inqilabi işi davam etdirmişdi. 1910 ildə yenidən Bakıya qayıtmışdı. Birinci Dünya müharibəsi illərində (1914–1918) DFP Bakı Komitəsinın göstərişi ilə Dağıstanda müharibə əleyhinə təbliğat aparmışdı.1917 il Fevral inqilabından sonra Bakıda inqilabi işi genişləndirmiş, Bakı Sovetinin üzvü seçilmiş, Bakıda sovet hakimiyyətinin qələbəsində yaxından iştirak etmişdi. 1918 ilin martında erməni-bolşevik quldurları tərəfindən türk-müsəlman əhalisinə qarşı soyqırımı zamanı Bakı Sovetinin tərəfində vuruşmuşdu. Bakı Xalq komissarları Soveti tərəfindən Dərbəndə göndərilmiş, Dərbəndin və Cənubi Dağıstanın komissarı təyin olunmuşdu. Dərbənd Biçeraxovun qüvvələri tərəfindən işğal olunduqda Ağasiyev sovet hakimiyyəti uğrunda mübarizəni davam etdirmişdir. 1918 ilin mayında Şimali Qafqazın istiqlaliyyəti elan edilmiş, oktyabrın 13-də hökumət Dərbəndə köçmüşdü. Ağasiyev Milli Hökumətə qarşı mübarizə gedişində öldürülmüşdür.