Elçin Nəbiyev (10 dekabr 1967, Xalatala, Balakən rayonu – 30 noyabr 2021, Xızı rayonu) — azərbaycanlı hərbçi–şturman, polkovnik. Azərbaycan Hərbi Hava Qüvvələri

Elçin Nəbiyev
Elçin Nəbiyev
	Elçin Fikrət oğlu Nəbiyev
Şəxsi məlumatlar
Doğum tarixi	10 dekabr 1967
Doğum yeri	Xalatala, Balakən rayonu, Azərbaycan SSR, SSRİ;
Vəfat tarixi	30 noyabr 2021 (53 yaşında)
Vəfat yeri	Xızı rayonu, Azərbaycan;
Vəfat səbəbi	helikopter qəzası
Dəfn yeri	İkinci Şəhidlər Xiyabanı
Vətəndaşlığı	SSRİ; Azərbaycan;
Milliyyəti	Azərbaycanlı
Təhsili	Stavrapol Pilot və Şturman Ali Hərbi-Aviasiya Məktəbi[d];
Hərbi fəaliyyəti
Xidmət illəri	–2021
Rütbəsi	; Polkovnik
Döyüşlər	Birinci Qarabağ müharibəsi

Elçin Nəbiyev (10 dekabr 1967, Xalatala, Balakən rayonu – 30 noyabr 2021, Xızı rayonu) — azərbaycanlı hərbçi–şturman, polkovnik. Azərbaycan Hərbi Hava Qüvvələrinin baş şturmanı, A. R. Hərbi Hava Qüvvələrinin və Hava Hücumundan Müdafiə Qoşunlarının (HHQ & HHMQ) qərargah rəisi vəzifəsinin icraçısı, Azərbaycan Ali Hərbi Təyyarəçilik Məktəbində rəis, Birinci Qarabağ müharibəsi iştirakçısı.

İlk və yeganə azərbaycanlı olaraq Sovet vaxtı MiQ-31 qırıcı təyyarəsində uçuşlar həyata keçirib.

Elçin Nəbiyev sonra könüllü olaraq Azərbaycan Ordusuna dönərək Birinci Qarabağ müharibəsi iştirakçısı olub. İkinci Qarabağ müharibəsində də, onun təcrübəsindən istifadə olunub. Hətta birinci müharibədə Nəbiyevin olduğu qırıcı ermənilər tərəfindən vurulub. Vurulmuş vəziyyətdə həmin təyyarəni aeroporta endirib. Müharibə zamanı ön cəbhədə düşmənin koordinatlarını və atəş nöqtələrini artilleriya və aviasiyaya ötürüb. Sonralar Mİ-24 və Mİ-8 helikopterinə şturman kimi keçid alıb.

44 günlük İkinci Qarabağ müharibəsində uğurlu əməliyyatların tərtibində müəlliflərdən, ön cəbhədə məxfi qərargahda birbaşa iştirakı olan Azərbaycanın gizli qəhrəmanlarından biridir.

30 noyabr 2021-ci ildə Qaraheybət aviasiya poliqonunda helikopter qəzasında həlak olub. Dövlət Sərhəd Xidmətinin hadisə ilə bağlı rəsmi açıqlamasında ehtiyatda olan polkovnikin "işçi Nəbiyev" kimi qeyd olunması Azərbaycan mediasında birmənalı qarşılanmayıb.