Nadir Rəşid oğlu Rüstəmli (8 iyul 1999, Salyan, Salyan rayonu) — Azərbaycanlı müğənni, Səs Azərbaycan yarışmasının qalibi və 2022-ci ildə keçirilmiş Avroviziya

Nadir Rüstəmli
Nadir Rüstəmli
Ümumi məlumatlar
Doğum tarixi	8 iyul 1999(24 yaş)
Doğum yeri	Salyan, Salyan rayonu, Azərbaycan;
Musiqiçi məlumatları
Fəaliyyəti	müğənni
Fəaliyyət illəri	2016-cı ildən
Janrlar	ritm-n-blyuz, opera, şanson
Musiqi alətləri	piano
Təhsili	Azərbaycan Turizm və Menecment Universiteti;
Mükafatları	Səs Azərbaycan 2021 Qalibi

Nadir Rəşid oğlu Rüstəmli (8 iyul 1999, Salyan, Salyan rayonu) — Azərbaycanlı müğənni, Səs Azərbaycan yarışmasının qalibi və 2022-ci ildə keçirilmiş Avroviziya Mahnı Müsabiqəsinin təmsilçisi.

2019-cu ildə Youthvision Beynəlxalq mahnı müsabiqəsində Azərbaycanı təmsil etmiş, 21 ölkə arasında 2-ci yeri tutmuşdur.

Həyatı

8 iyul 1999-cu ildə Azərbaycanın Salyan şəhərində anadan olmuşdur. 2005–2016-cı illərdə Salyan rayonu 3 saylı tam orta məktəbdə təhsil alıb. 2016-cı ildə Azərbaycan Turizm və Menecment Universitetinə qəbul olub, 2021-ci ildə həmin universitetin məzunu olmuşdur.

O, uşaq yaşlarından musiqi ilə məşğul olmağa başlamışdır.

Karyerası

Məktəb illərində Qulu Əsgərov adına musiqi məktəbində piano və solfecio üzrə 7 illik musiqi təhsili alıb. 2017-ci ildə Tələbə Baharı Ümumrespublika Mahnı Festivalına qatılıb ikinci yerin qalibi olub. 2019-cu ildə eyni yarışmada yenidən iştirak edərək yarışmanın qalibi olmuşdur. 2019-cu ildə Youthvision Beynəlxalq mahnı müsabiqəsində Azərbaycanı təmsil etmiş, 21 ölkə arasında 2-ci yerin qalibi olmuşdur. 2021–2022-ci il Səs Azərbaycan yarışmasında iştirak etmiş və yarışmanın qalibi olmuşdur.

Avroviziya 2022-də bu il ölkəmizi "Səs Azərbaycan" mahnı müsabiqəsinin qalibi Nadir Rüstəmli təmsil edəcək.

Səs Azərbaycan

2021-ci ildə Azərbaycanın "İctimai TV" kanalında yayımlanan "Səs Azərbaycan" layihəsində iştirak etmişdir. O ilk mərhələdə "Writing'S on the wall" mahnısını ifa etmişdir və 2 münsif Nadir Rüstəmli tərəfə dönmüşdür. O isə Eldar Qasımov komandasında yarışmağı seçmişdir. Daha sonra növbəti mərhələdə Amir Paşayev ilə birgə "Beggin" mahnısını ifa etmişdir. Eldar Qasımov isə Nadir ilə Amir arasında seçim etmiş və Nadir Rüstəmlini komandasında saxlamışdır. Nadir Rüstəmli 1/8 finalda "Xatirədir" mahnısını ifa edərək növbəti mərhələyə vəsiqə qazanmışdır. Finalda "Bu da son", "Bad Liar" və Eldar Qasımov ilə "Running Scared" mahnısını ifa etmişdir. Finalda SMS səsverməsinin yekununda 4 iştirakçıdan 1-i layihənin qalibi olacaqdı. Nadir 42,6% dərəcəsi ilə birinciliyi əldə edərək layihənin qalibi olmuşdur.

Videoqrafiya


Say	Klip	Rejissor	Tarix
01	Fade To Black	İsa Məlikov	2022
02	Əbədi Sevgi (duet Sivva)	Əli Fərhad	2023
03	Bedel	Fahir Səmədoğlu	2023
04	Gölgelerim	Fahir Səmədoğlu	2023