II Mehti Tarkovski və ya II Mehti Tərkili (1742 – 1830) — 1797–1830-cu illərdə Tərki şamxalı, 1806–cı ildə Dərbənd xanı və 1800-cü ildən Rusiya İmperiyası gener

II Mehdi
II Mehdi
Tərki şamxalı
	1797 – 1830
Əvvəlki	II Bammat
Sonrakı	Süleymanpaşa Tarkovski
Şəxsi məlumatlar
Doğum tarixi	1742
Vəfat tarixi	1830 (87–88 yaşında)
Milliyyəti	qumuq
Fəaliyyəti	siyasətçi
Atası	II Bammat[d]
Həyat yoldaşı	Pəricahan xanım;
Uşaqları	Süleymanpaşa Tarkovski,; Əbumüslüm xan Tarkovski;
Ailəsi	Tarkovskilər
Hərbi xidmət
Qoşun növü	süvari
Döyüşlər	Qafqaz müharibəsi;
Rütbəsi	general-leytenant;

II Mehti Tarkovski və ya II Mehti Tərkili (1742 – 1830) — 1797–1830-cu illərdə Tərki şamxalı, 1806–cı ildə Dərbənd xanı və 1800-cü ildən Rusiya İmperiyası general-leytenantı olmuşdur.

Həyatı

1742-ci ildə Tərki şamxalı II Bammatın ailəsində dünyaya gəlmişdir.

Hakimiyyəti

1797-ci ildə imperator I Pavelin fərmanı ilə Mehdi şamxal təyin olunmuşdur. 18 iyun 1800-cü ildə Tərki şəhərində şamxal kimi Rusiya imperatoruna Quran qarşısında and içmiş, 19 iyul tarixində isə general-leytenant rütbəsini almışdır. 10 sentyabr 1806-cı ildə Dərbənd xanlığını idarə etmiş, həmin il imperator I Aleksandr tərəfindən rəsmi olaraq Dərbənd xanı təyin edilmişdir. Bu, Mehdinin Pəricahan xanım ilə evlənməsi və onun Şeyxəli xanın bacısı və xanlığın varisi olması ilə bağlı olmuşdur. 1830-cu ildə Sankt-Peterburqa irs məsələlərini həll etmək üçün səfər etmiş, geri dönərkən vəfat etmişdir.

Ailəsi

1796-cı ildə, rusların Dərbənddə olduğu dövrdə, Mehdi şamxal Quba xanı Fətəli xanın böyük qızı Pəricahan xanım ilə ailə qurmuş və bu evliliyindən iki övladı olmuşdur:

oğlu — Süleymanpaşa Tarkovski - Tərki şamxallığını atasından sonra miras almışdır.
qızı — Nuh Bikə.

Sevdyük Bikə adlı xanımından övladları:

Oğulları — Əbumüslüm (Süleymanpaşadan sonra şamxallığı miras almışdır), Zübeyir.
Qızı — Aybət Bikə.

Ədəbiyyat

Mustafazadə, Tofiq. Quba xanlığı (PDF) (az.). Bakı: Elm. 2005. 480 səh.