Zemfira Əliyeva (tam adı: Zemfira Məmmədəli qızı Əliyeva; 25 dekabr 1941, Kirovabad – 16 noyabr 1995, Bakı) — Azərbaycan aktrisası. Azərbaycan SSR xalq artisti

Zemfira Əliyeva 25 dekabr 1941-ci ildə Gəncə şəhərində doğulub. Anası Firuzə Bədirbəyli Gəncə DDT-nin aktrisası olub. Kiçik yaşlarından teatrın tamaşalarında uşaq rollarını oynayıb. 17 yaşında ona Cəfər Cabbarlının "Solğun çiçəklər" melodramasında Sara rolu tapşırılıb. Bundan sonra aktrisa teatra götürülüb və qısa müddətdə Səməd Vurğunun "Vaqif" (Gülnar), Viktor Rozovun "Sabahın xeyir" (Liza), Evripidin "Medeya" (Medeya), Əfqan Əsgərovun "Qız atası" (Məryəm) əsərlərinin tamaşalarında mürəkkəb rollar oynayıb. Bir neçə televiziya tamaşasında və filmdə rol alıb.

Zemfira Əliyeva 1972-ci ildə Naxçıvan DMDT-nin truppasına daxil olub. Bu teatrda qazandığı sənətkarlıq nailiyyətlərinə görə 1 iyun 1974-cü ildə Azərbaycan Respublikasının əməkdar artisti və 1 dekabr 1982-ci ildə xalq artisti fəxri adları ilə təltif edilib. Aktrisa 1988–1995-ci illərdə Akademik Milli Dram Teatrında işləyib. 26 noyabr 1995-ci ildə Bakıda vəfat edib.

Xalq artisti, rejissor Vaqif Əsədovun həyat yoldaşı olub.

• Azərbaycan SSR xalq artisti — 01.12.1982

Naxçıvan DMDT

1. Almaz (Cəfər Cabbarlı) — Almaz
2. Solğun çiçəklər (C. Cabbarlı) — Sara
3. Oqtay Eloğlu (C. Cabbarlı) — Firəngiz
4. Yaşar (C. Cabbarlı) — Yaqut
5. Ana (H. Cavid) — Səlma
6. Şeyda (H. Cavid) — Roza
7. Şeyx Sənan (H. Cavid) — Xumar
8. Uçurum (H. Cavid) — Anjel
9. Hacı Qara (M. F. Axundzadə) — Sona
10. Yağışdan sonra (B. Vahabzadə) — Reyhan
11. Sənsiz (Ş. Qurbanov) — Maral
12. Mənim nəğməkar bibim (Ə. Əylisli) — Mədinə
13. Bir cüt bədmüşk ağacı (Ə. Əylisli) — Azadə
14. Dəli yığıncağı (C. Məmmədquluzadə) — Pırpız Sona
15. Toy (Sabit Rəhman) — Zinyət
16. Bəxt üzüyü (V. Səmədoğlu) — Söylü
17. Unuda bilmirəm (İ. Əfəndiyev) — Nərmin
18. Məhv olmuş gündəliklər (İ. Əfəndiyev) — Anjel
19. Tülkü və üzüm (G. Fiqeyredu) — Kleya
20. Laçın yuvası (S. S. Axundov) — Pəricahan
21. Eşq və intiqam (S. S. Axundov) — Zöhrə
22. Bayramın birinci günü (N. Hikmət) — Zəhra
23. Elektra (Sofokl) — Elektra
24. Yenə o bağ olaydı… (M. Müşfiq) — Dilbər
25. Siz xoşbəxt yaşayın (Ə. Yusifli) — Vəfa

1. Böyük dayaq (film, 1962) — rol: Pərişan
2. Doğma sahillər (film, 1989)
3. Gedərsən bizə… (film, 1990)
4. Yad qızı (film, 1990)
5. Qəzəlxan (film, 1991)
6. Pəncərə (film, 1991)
7. Mənim ağ şəhərim (film, 1993)
8. İtkin gəlin (film, 1994)
9. Yurd yeri
10. Güllələnmə təxirə salınır!... (film, 2002)
11. Manas