"GameStop" — ABŞ pərakəndə satış şəbəkəsi. Şirkət videooyun konsolları, videooyunlar və oyun aksesuarları satır.

GameStop
GameStop
Ümumi məlumatlar
Sənaye	pərakəndə
Məhsulu	video oyun
Təsis tarixi	20 avqust 1980
İqtisadi göstəriciləri
Ümumi kapital	1.338.600.000 $ (2024);
Ümumi aktivlər	2.709.000.000 $ (2024);
Ümumi gəliri	5.272.800.000 $ (2024);
Xalis mənfəəti	6.700.000 $ (2024);
Əməliyyat mənfəəti	−311.600.000 $ (2023);
	gamestop.com
	Vikianbarda əlaqəli mediafayllar

"GameStop" — ABŞ pərakəndə satış şəbəkəsi. Şirkət videooyun konsolları, videooyunlar və oyun aksesuarları satır.

30 yanvar 2021-ci il tarixinə olan məlumata görə, "GameStop" mağazalar şəbəkəsinin ABŞ-də və dünyanın 17 ölkəsində 4,816 satış məntəqəsi var. Şirkətin mağazaları həmçinin "EB Games" və "Electronics Boutique" brendləri altında satış məntəqələri ilə təmsil olunur. Şirkət "Game Informer" adlı videooyun jurnalını dərc etdirir.

Tarixi

Şirkətin tarixi Texas ştatının Dallas şəhərində kiçik proqram təminatı şirkəti "Babbage's" ilə başlamışdır. Şirkət sonradan "Software Etc." ilə birləşmiş, ardınca "Babbage’s Etc. LLC" yaranmışdır. 1999-cu ildə bu şirkət kitablar, elektron kitablar, jurnallar və media satan pərakəndə satış şəbəkəsi olan "Barnes & Noble"a satılmışdır. Mağazalar şəbəkəsi 2000-ci ilin iyununda "Funco, Inc" ilə birləşmişdir. Həmin ilin axırlarında şirkətin adı "GameStop" olaraq dəyişdirilmişdir.

2004-cü ilin axırlarında şirkət "Barnes & Noble"dan öz səhmlərini tamamilə geri almış və müstəqil olmuşdur. 2005 -ci ildə "Electronics Boutique", 2007 -ci ildə isə "Blockbuster" şəbəkəsindən "Rhino Video Games" satın alınmışdır.