İtaliya-Osmanlı müharibəsi (1911—1912) və ya Tripoli müharibəsi (Trablisqarp) — İtaliyanın digər Avropa dövlətlərinin köməyi ilə Osmanlı imperiyasından Trablis

İtaliya-Osmanlı müharibəsi (1911—1912) və ya Tripoli müharibəsi (Trablisqarp) — İtaliyanın digər Avropa dövlətlərinin köməyi ilə Osmanlı imperiyasından Trablis və Kirenaika əyalətlərini (Şimali Afrika) qoparmaq və müstəmləkəyə çevirmək məqsədilə apardığı işğalçılıq müharibəsi. İtaliya 1911-ci il sentyabrın 29-da Türkiyəyə müharibə elan etdi. İtalyan qoşunları oktyabr ayında sahil rayonlarını tutsalar da, yerli əhalinin, türk qarnizonları və Tunis, Əlcəzair, Misir və b. ərəb ölkələrindən gəlmiş könüllü dəstələrin güclü müqavimətinə rast gələrək ölkənin içərilərinə irəliləyə bilməmişdilər. 1912-ci ilin oktyabrında başlanmış Balkan müharibəsi Türkiyəni oktyabrın 18-də Lozanna sülh müqaviləsini imzalamağa məcbur etdi. Sultan Trablis və Kirenaika əhalisinə muxtariyyət "bəxş etməyi" və bu əyalətlərdən öz qoşunlarını çıxarmağı öhdəsinə götürdü. Əslində Trablis və Kirenaika (sonralar Liviya adlandı) bu zamandan etibarən (1943-cü ilə qədər) İtaliyanın müstəmləkəsinə çevrildi.

İtaliya-Osmanlı müharibəsi
İtaliya qüvvələri Liviya ərazisindəki Osmanlı mövqelərini bombardman edir.
Tarix	29 sentyabr 1911 — 18 oktyabr 1912
Yeri	Liviya, Egey dənizi
Səbəbi	İtaliyanın ərazisinin genişləndirilməsi
Münaqişə tərəfləri
İtaliya Osmanlı İmperiyası
Komandan(lar)
III Viktor Emanuel Karlo Kaneva V Mehmed Osman Fuad Əfəndi Ənvər Paşa Mustafa Kamal Atatürk Ömər Muxtar
Tərəflərin qüvvəsi
100 000 28 000
İtkilər
7 630 15 370
Vikianbarda əlaqəli mediafayllar