"Sun Tea" Çay Fabriki — Azərbaycanda fəaliyyət göstərən, çay istehsalı və paketlənməsi üzrə ixtisaslaşmış ən böyük sənaye müəssisələrindən biridir. "Azərsun Hol

"Sun Tea" Çay Fabriki — Azərbaycanda fəaliyyət göstərən, çay istehsalı və paketlənməsi üzrə ixtisaslaşmış ən böyük sənaye müəssisələrindən biridir. "Azərsun Holdinq"in tərkib hissəsi olan müəssisə həm yerli bazarı təmin edir, həm də geniş ixrac potensialına malikdir.

"Azərsun Holdinq"in Azərbaycanda ən böyük çay istehsalçılarından biridir. Onun ilk investisiya layihəsi 1996-cı ildə Bakıda fəaliyyətə başlamış "Sun Tea" çay fabriki olmuşdur. "Sun Tea" hazırda bir sıra çay markalarının istehsalçısıdır. "Sun Tea" qara çay, yaşıl çay, meyvəli çayların istehsalı ilə məşğuldur. Müəssisə illik ortalama 15 000 ton istehsal gücünə malikdir. Şirkətlər qrupunun Azərbaycanın cənubunda Lənkəran və Astarada paketləmə müəssisələri də fəaliyyət göstərir.

Azərbaycanın çay yarpaqlarını emal edərək "Azerçay" markası ilə dünya bazarına təqdim edən müəssisə Azərbaycan çayının Dünya üzrə ixracını təşkil edir. Almaniyanın "Heinemann" şirkəti ilə əldə olunmuş razılaşmaya əsasən, üzərində "Made in Azerbaijan" yazısını daşıyan "Azerçay" markası dünyanın 50-dən çox hava limanında "Duty Free" mağazalarında istehlakçılara təqdim olunur, dünyanın aparıcı idman yarışlarında, beynəlxalq tədbirlərində baş sponsor kimi iştirak edir.

"Azərsun Holdinq" eyni zamanda dünyaca məşhur Hindistan, Vyetnam və Keniya çaylarını birbaşa çay istehsalçılarından satın alaraq, emal müəssisələrinin xammal ehtiyacını təmin edir.