Çetinye oktoixi (serb. Цетињски октоих) — Zeta Knyazlığının paytaxtı (müasir Monteneqro) Çetinyedə 1494-cü ildə çap edilmiş Şərqi pravoslav kilsəsinin ibadət ki

*Çetinye oktoixi*
Çetinye oktoixi
Janr	ibadət kitabı
Orijinalın dili	Kilsə slavyan dili; (serb slavyan növündə)
Ölkə	Zeta knyazlığı;
Orijinalın nəşr ili	1494-cü il
Səhifə	540
	Elektron versiya
	Vikianbarda əlaqəli mediafayllar

Çetinye oktoixi (serb. Цетињски октоих) — Zeta Knyazlığının paytaxtı (müasir Monteneqro) Çetinyedə 1494-cü ildə çap edilmiş Şərqi pravoslav kilsəsinin ibadət kitabı. Kilsə slavyan dilinin törəməsi olan Serb slavyan dilində çap edilmiş ilk kitab, həmçinin Cənubi Avropada kirilcə nəşr edilmiş ilk kitab sayılır. Kitab rahib Makarinin rəhbərliyi altında Çetinye mətbəə evində çap edilmişdir, hansı ki 1493-cü ildə IV Georgi Çernoyeviç tərəfindən qurulmuşdur və Çetinye Manastırı ərazisində yerləşirdi. Birinci cild Oktoix sisteminin ilk dörd məzmununa həsr olunan himnlərdən ibarətdir, ikinci cild isə ikinci dördə.

Oktoixin salamat qalan fraqmentlərinin təkrar nəşri. Belqarddaki Pedaqoji Muzeyin kolleksiyasından

Birinci cild

Birinci cild IV Georgi Çernoyeviçin hesabına çap edilirdi və 4 yanvar 1494-cü ildə tamamlanmışdır. Kitab 29 x 21,6 santimetr formatında 270 vərəqdən ibarətdir. Çap zamanı iki rəngdən (qara və qırmızı) istifadə edilmişdir. Tərtibat zamanı ksiloqrafik başlıq şəkilləri və inisiallardan istifadə olunmuşdur.

Bu cildin 108 nüsxəsi bu günə qədər qorunub saxlanmışdır, onlardan biri Çetinye Manastırı muzeyindədir, 1987-ci ildə isə birinci cildin 600 faksimile nüsxəsi çap olunmuşdur.

Beşinci cild

Kitabin beşinci cildi şəkilli olan ilk Cənubi slavyan çap kitabı idi. İllüstrasiyalar (Çetinye Manastırının mənzərələri) də ksiloqrafiya ilə çəkilmişdilər. Beşinci cild yalnız hissə-hissə qorunub saxlanılmışdır (günümüzə çatan ən böyük fraqmentin 37 vərəqi var), ilk fraqmenti serb rahib və şair Lukian Muşitski tapmışdır.