Boeing 767 — iki mühərrikli enli füzelyajlı sərnişin təyyarəsi. Atlantik okean üzərindən müntəzəm olaraq sərnişin reysləri həyata keçirmək hüququ əldə edən ilk

İki mühərrikli ekonom reaktiv təyyarələrin layihələndirilməsi hələ 1978-ci ildən başlayıb. United Airlines aviaşirkəti bu cür təyyarələrə maraq göstərirdi və 30 ədəd təyyarənin alınması üçün sifariş edib. İlk Boeing 767 14 avqust 1981-ci ildə istehsal olunub (zavod Everettdə, Vaşinqton ştatı, yerləşir) və 26 sentyabrda ilk uçuşunu etdi.
Boeing 767-300 modelinin istehsalı sentyabr ayı 1983-cü ildə başlayıb. Bu modelin füzelyajı Boeing 767-200 modelindən 6,5 m uzun oldu. Bu da, öz növbəsində sərnişin yerlərinin 22% artırılmasına gətirdi (təhminən 40 sərnişin yeri). Həmçinin daşına bilən yükün həcmi 31% artdı.
Əsas modellərdən sonra uzaq magistrallı variantlar istehsala başlandı.

Füzelyajın uzunluğuna görə Boeing 767 üç növdə istehsal olunurdu. 767-200, 767-300 və 767-400ER modelləri istehsal olunmağa başladıqca, təyyarənin uzunluğu artırdı. Şirkət həmçinin daha uzaq məsafəyə uçuşlar üçün 767-200ER və 767-300ER (Extended Range) modellərini təklif edirdi. Yük təyyarələri 300ER baza modeli əsasında 767-300F adlı istehsal olunur və 767-200 və 767-300 sərnişin təyyarələri modellərindən hazırlanırdı.

767-200

American Airlines Boeing 767-200 modeli

Baza modelidir, 1982-ci ildən sonra istehsal olunan 767 ailəsinin bütün təyyarələrinin prototipidir. Əsasən ABŞ daxili uçuşlar üçün istifadə olunurdu - ABŞ-nin qərb və şərqdəki böyük şəhərləri arası uçuşlarda (məsələn, Los-Anceles-Nyu-York, San-Fransisko-Vaşinqton və d.). Cəmi 128 ədəd istehsal olunub: 767-200ER daha yenilənmiş modeli ilə əvəz olunub. Hal-hazırda istismardan çıxarılıb. Daha sonralar 767-200 baza modelini Boeing şirkəti yüklərin daşınması üçün istifadə eləməyə başladı və 767-200 modeli 767-200SF modelinə çevrildi.