Kont və ya qraf — Avropada əsilzadə ünvanı. Kontun xanımına və ya kont mövqeyindəki qadına kontes deyilir. Böyük Britaniyadakı qarşılığı erldir. Hal-hazırda, əs

Kont və ya qraf — Avropada əsilzadə ünvanı. Kontun xanımına və ya kont mövqeyindəki qadına kontes deyilir. Böyük Britaniyadakı qarşılığı erldir. Hal-hazırda, əsilzadəlik sıralamasında markizdən sonra, markizin olmadığı ölkələrdə hersoqdan sonra gəlir. Sözün etimologiyası Latin dilində "comes" (müşayiətçi, nəzarətçi) sözündən gəlməkdədir.

Roma İmperiyasında comeslər imperatorun müşayətçilərindən biri idi. Franklarda isə kontlar yerli komandir və hakimlər idilər. Kontlar zamanla feodal quruluşa daha çox inteqrasiya oldular və hersoqun müavini vəzifəsinə yüksəldilər. Flandriya, Tuluza ve Barselona kimi bəzi ölkə və qraflıqlarda isə hersoq mövqeyinə bərabər hala gəldilər. Kralların feodal bəylər üzərindəki hakimiyyətlərini artırmağa çalışdıqları sonrakı dövrlərdə hakimiyyətlər get-gedə mərkəzləşdi və kontlar siyasi güclərini itirdilər. Ancaq əsilzadələr təbəqəsinin imtiyazlarından istifadə etməyə davam etdilər.