"Təhriri-Öqlidis" (ərəb. تحریر اقلیدس‎; azərb. Evklidin şərhi‎) — Nəsirəddin Tusinin riyaziyyat (həndəsə) sahəsində yazdığı əsər.

*Təhriri-Öqlidis*
Təhriri-Öqlidis
	ərəb. تحریر اقلیدس‎
Müəllif	Nəsirəddin Tusi
Orijinalın dili	ərəb dili
Orijinalın nəşr ili	1594
Nəşriyyat	"Mediçi" mətbəəsi[d]

"Təhriri-Öqlidis" (ərəb. تحریر اقلیدس‎; azərb. Evklidin şərhi‎) — Nəsirəddin Tusinin riyaziyyat (həndəsə) sahəsində yazdığı əsər.

Əsərdə Evklidin "Başlanğıclar" ("Əsaslar") əsərində verilmiş 700-dən artıq teoremin sübutu təhlil edilmiş və bir çoxunun yeni isbatı verilmişdir.

Tərcümə və nəşr

"Təhriri-Öqlidis" kitabı ilk dəfə 1594-cü ildə Romanın "Mediçi" mətbəəsində ərəbcə nəşr edilib.

"Təhriri-Öqlidis" 1598-ci ildə ikinci dəfə yenə Romada çap olunur. Kitaba Avropada olan böyük tələbi ödəmək üçün o, latın dilinə tərcümə edilərək, 1657-ci ildə Londonda çap edilir. Bir sıra Şərq ölkələrində ərəb dilində nəşr edilən əsər 1801-ci ildə İstanbulda, 1824-cü ildə Mərakeşdə,1880-ci ildə isə Tehranda nəşr olunur.

Kitabın azərbaycan dilinə olan tərcüməsinin 2001-ci il nəşri

Əsər Həsən Zərrinəzadə tərəfindən ərəb dilindən azərbaycan dilinə tərcümə edilmiş və YUNESKO-nun da maliyyə yardımı ilə Nəsirəddin Tusinin 800 illik yubileyi ilə əlaqədar olaraq N.Tusi adına Şamaxı Astrofizika Rəsədxanası tərəfindən nəşrə hazırlanmış və 2001-ci ildə, Bakıda "Ulduz" nəşriyyatında çap olunmuşdur.

Həmçinin bax

Zic-Elxani