Sumitomo Corporation (yaponca: 住友商事株式会社, Hepbörn: Sumitomo Shōji kabushiki gaisha?) — Yaponiya şirkəti, dünyanın ən böyük soqo şosa ümumi ticarət şirkətlərindən

"Sumitomo Corporation"ın əsas üzvü olduğu "Sumitomo Group"un formalaşması XVII əsrdə Masatomo Sumitomo tərəfindən Kyotoda kitab və dərman mağazasının yaradılması ilə bağlıdır. Sumitomonun qaynı Riyemon Soqa misdən gümüş çıxarmaq üçün texnologiya hazırlamışdır. Soqanın Sumitomonun qızı ilə evlənmiş oğlu Tomomoçi Sumitomo bu əritmə biznesini Osakaya qədər genişləndirmişdir. Bu başlanğıcdan Sumitomo ailəsi öz biznesini mis mədəninə (Besşi mis mədəni), daha sonra toxuculuq, şəkər və dərman ticarətinə çevirmişdir.

Sumitomo ailəsi Edo dövründə Tokuqava şoqunluğuna yaxın idi. 1860-cı illərdə Tokuqava klanı Yaponiyanın qərbindəki rəqibləri ilə müharibə etdiyi üçün bu əlaqə firma üçün məsuliyyətə çevrilmişdir. Tokuqavaların məğlubiyyətindən sonra Sumitomo iflas etmə vəziyyətinə yaxınlaşmış və o vaxta qədər demək olar ki, işlək olmayan Besşi mədənini satmaq üçün təzyiq altında qalmışdır. Bununla belə, "Sumitomo" mədəni özündə saxlamış və yeni Qərb texnikalarının qəbulu ilə hasilatını gücləndirmişdir. Sonrakı onilliklərdə Yaponiyanın sürətli qərbləşməsi zamanı Sumitomo müxtəlif yeni ticarət, istehsal və maliyyələşdirmə bizneslərinə başlamışdır. Şirkət XX əsrin əvvəllərində Yaponiyanın əsas dzaybatsularından birinə çevrilmişdir.

"Sumitomo Corporation" 1919-cu ilin dekabrında Osaka şimal liman regionunda daşınmaz əmlakın idarə edilməsi, meliorasiya, torpaqların təsnifatı, liman təmiri və əlaqəli işlərlə məşğul olmaq üçün "The Osaka North Harbour Co., Ltd." adı ilə yaradılmışdır. 1944-cü ildə şirkət "Sumitomo Building Co., Ltd." ilə birləşərək (1923-cü ilin avqustunda təsis edilib; kapital 6,5 milyon yen) "Sumitomo Building and Real Estate Co., Ltd."ni yaratmışdır.

İkinci Dünya müharibəsi Yaponiya daxilində "Sumitomo"nun sənaye infrastrukturunun çoxunu məhv etmişdir. Müttəfiqlərin Yaponiyanı işğal etməsi "Sumitomo"da daxil olmaqla ən böyük Yaponiya şirkətlərinin məcburi olaraq dağılmasına səbəb olmuşdu. "Sumitomo Building" müxtəlif sənaye sahələrində Yaponiyanın əsas istehsal firmalarının məhsullarını idarə etmək üçün ümumi ticarətə keçmişdir. Şirkət adını "Nippon Engineering Co., Ltd." (Nihon Kensetsu Sangyo Kaisha) olaraq dəyişdirərək ümumi ticarət firması kimi yeni fəaliyyətə başlamışdır və cəmi 32 nəfərdən ibarət satış heyətinə malik idi. Firma öz səhmlərini 1949-cu ildə Osaka, Tokio və Naqoya birjalarında yerləşdirmişdir.

"Sumitomo"nun strategiyası 2014-cü ilə qədər təbii ehtiyatlara yönəlmişdir. Bu zaman şirkət sıx neft (şist nefti) və digər enerji ilə bağlı sərmayələr üzündən yüz milyardlarla yen itki vermişdir. Şirkətin prezidenti Kuniharu Nakamura bu itkiləri həm mənfi bazar amilləri, həm də "Sumitomo"nun bu sahədə nisbi təcrübəsizliyi ilə əlaqələndirmişdir. Bu uğursuzluqlar nəticəsində "Sumitomo" Yaponiyanın üçüncü ən böyük ümumi ticarət şirkəti olaraq "Itochu" tərəfindən geridə qalmışdır. "Sumitomo" 2015-ci ildə biznesini avtomobil və infrastruktur sənayelərinə və digər qeyri-resurs bizneslərinə yönəldəcəyini elan etmişdir.

"Berkshire Hathaway" 2020-ci ilin avqustunda başa çatan 12 aylıq dövr ərzində dörd digər Yaponiya ticarət evi ilə birlikdə şirkətdəki səhmlərin 5%-dən çoxunu əldə etmişdir.

• Aimo Park
• Aimo Solution
• Bluewell Insurance
• Cantex
• Clickstream Capital
• Sumitomo Electric Egypt
• Global Partnership for Ethiopia (27.20% share)
• Pacific Summit Energy
• Petro Summit Pte Ltd (Singapore)
• Presidio Ventures
• SCSK
• SMBC Finance & Lease
• Sumitomo Corporation Equity Asia Limited
• Sumitomo Wiring Systems Ltd.
• Sumitomo Corporation Global Commodities (London & Singapore)
• Sumitec International (Moscow)
• Summit Biotech
• TBC Corporation (50% share) (Tire Kingdom, NTB, Big O Tires, Midas International, LLC.)
• Pet product maker Hartz Mountain Corporation was acquired from J.W. Childs in 2004, but 51% was sold to Unicharm in December 2011.
• Crunchyroll SC Anime Fund (anime production joint venture with Crunchyroll)
• Sumitomo Chemical Company Limited
• Sumitomo Forestry NZ Limited
• Summit Fresh Foods New Zealand Limited
• Summit Forests New Zealand Limited
• New Zealand Alüminium Smelters Limited (20.64% share)
• Kiriu Corporation