Meqaiqtisadiyyat - bu anlayış altında bütövlükdə dünya təsərrüfatı, başqa sözlə, beynəlxalq miqyasda iqtisadiyyat başa düşülür. İqtisadi nəzəriyyənin bu bölmələ

Meqaiqtisadiyyat - bu anlayış altında bütövlükdə dünya təsərrüfatı, başqa sözlə, beynəlxalq miqyasda iqtisadiyyat başa düşülür. İqtisadi nəzəriyyənin bu bölmələrinin tədqiqində metodologiya məsələsi mühüm əhəmiyyət kəsb edir.İqtisadi nəzəriyyənin metodologiyası təsərrüfat həyatını iqtisadi hadisələrin mahiyyətini öyrənən metodlar haqqın da elmdir. Ümumi iqtisadi nəzəriyyənin metodologiyasında bir neçə yanaşmanı göstərmək olar:

subyektivçi;
neopozitivist-empirik;
rasionalist;
dialketik-materialist

İqtisadi nəzəriyyədə elmi dərketmə metodlarından geniş istifadə olunur. Belə metodlardan biri elmi abstraksiya metodudur. Bu metodda iqtisadi hadisələrin ikinci dərəcəli cəhətləri diqqətdən kənarda qoyulur. İstehsal,tələbat və s. anlayışlar belə yaranmışdır. Elmi abstraksiya metodundan əlavə təhlil və sintez,induksiya və deduksiya, iqtisadi-riyazi modelləşdirmə və.s metodlarından da geniş istifadə olunur.

Təhlil öyrənilən hadisənin tərkib hissələrinə bölünüb hər birinin ayrı-ayrılıqda tədqiq edilməsidir;sintez yolu isə iqtisadi nəzəriyyə vahid bitkin hadisəni təsvir edir.

Əsasnamə

Meqaiqtisadiyyat hazırda makroiqtisadiyyatın qlobal iqtisadi məkana inteqrasiyası və dünya iqtisadiyyatının vəziyyətini ifadə edən bir sistemdir. Bu prosesdə Beynəlxalq Valyuta Fondu (BVF), Ümumdünya Ticarət Təşkilatı (ÜTT), BMT, Dünya Bankı və digər beynəlxalq iqtisadi institutlar və birliklər mühüm rol oynayır.

Meqaiqtisadiyyat yalnız maliyyə (investisiya) kapitalının istehsalı və axınları üzərində deyil, həm də intellektual potensialın mobilizasiyası, transformasiyası və konsentrasiyası üzərində qurulur. İntellektual kapital, xüsusilə də nanoiqtisadiyyat kimi bir forma şəklində, qlobal iqtisadi sistemlərə dayanıqlı inkişaf üçün mühüm töhfə verir.