Dionisi (q.yun. Διονύσιος, lat. Dionysios; II əsr, Korinf, Peloponnes – 8 aprel 171, Korinf, Peloponnes) — 170-ci ildən Korinf şəhərinin yepiskopu. O, lakedemon

Dionisi (q.yun. Διονύσιος, lat. Dionysios; II əsr, Korinf, Peloponnes – 8 aprel 171, Korinf, Peloponnes) — 170-ci ildən Korinf şəhərinin yepiskopu. O, lakedemoniyalılara, afinalılara, nikomediyalılara və s. səkkiz məktub yazmışdır. Onlar öz dövrlərində çox məşhur idilər. Məktubların hamısı itmişdir, onların yalnız fraqmentləri Yevsevi tərəfindən qorunub saxlanılmışdır.

Yevsevi Roma imperatoru Mark Avrelinin dövründə yaşamış kilsə yazıçıları sırasında Dionisinin adını çəkmişdir. Nə Dionisi, nə də İyeronim Dionisinin əzabkeşliyindən bəhs etmir, lakin bəzi agioqrafik mənbələrdə o, müqəddəs əzabkeş adlandırılmışdır. Dionisinin əzabkeşliyi haqqında məlumat yalnız XI əsrdən Bizans müəllifləri Georgi Kedrin və Mixail Qlikanın yazılarında mövcuddur. Sonuncu səhvən onun ölümünü imperator Antonin Piyin dövrünə aid edir. Qərb əzabkeşliklərində Dionisinin əzabkeşliyinə dair heç bir əlamət yoxdur.