Obsidian Entertainment, Inc. — baş qərargahı ABŞ-nin Kaliforniya ştatının İrvin şəhərində yerləşən və videooyunların istehsalında ixtisaslaşan studiya. Şirkət "

Obsidian Entertainment, Inc. — baş qərargahı ABŞ-nin Kaliforniya ştatının İrvin şəhərində yerləşən və videooyunların istehsalında ixtisaslaşan studiya. Şirkət "Black Isle Studios" şirkətinin bağlanmasından çox keçməmiş, 2003-cü ilin iyun ayında şirkətin keçmiş işçiləri olan Firqus Urkhart, Kris Avellon, Kris Parker, Darren Monahan və Kris Cons təsis edilmişdir.

Obsidian Entertainment
Ümumi məlumatlar
Tipi	filial
Sənaye	videooyun sənayesi[d]
Təsis tarixi	12 iyun 2003
Baş qərargahın yeri	İrvin, Kaliforniya, ABŞ
Struktur
İşçi sayı	200 (2019)
Ana şirkət	Xbox Game Studios (2018–h.h.)
Rəhbərlik
Təsisçilər	Firqus Urkhart Kris Parker Kris Avellon Darren Monahan Kris Cons
Auditor	Ümumdünya
obsidian.net
Vikianbarda əlaqəli mediafayllar

Orijinal əqli mülkiyyət yaratmalarına baxmayaraq, şirkətin istehsal etdiyi videooyunların çoxu liseziyalı mülkiyyətlərə əsaslanan sikvellərdir. Studiyanın erkən layihələrinə "Star Wars: Knights of the Old Republic II: The Sith Lords" və "Neverwinter Nights 2" aiddir ki, onların hər ikisi də "BioWare" tərəfindən istehsal edilmiş videooyunların sikvelləridir. İstehsalçı komanda daha sonra, 2010-cu ildə ilk orijinal layihələri olan "Alpha Protocol" videooyununu satışa çıxarmışdır. "Obsidian Entertainment" tərəfindən istehsal edilmiş digər əhəmiyyətli videooyunlara Other "Fallout: New Vegas", "Dungeon Siege III" və "South Park: The Stick of Truth" aiddir ki, bunların hamısı lisenziyalı mülkiyyətlərdir.

Studiyanın tarixi boyunca "Futureblight", "Dwarfs", "Aliens: Crucible" və "Stormlands" kimi layihələr ləğv edilmişdir. "Obsidian Entertainment" çoxlu sayda layihəni ləğv etdiyindən 2012-ci ildə kəskin bir maliyyə böhranı yaşamışdır. Nəticədə, şirkət növbəti layihəsini – isometrik baxış bucağı ilə oynanılan "Pillars of Eternity" rol videooyununu kraudfandinq vasitəsilə maliyyələşdirmişdir, hansı ki, uğurlu bir layihə olmuş və şirkəti müflis olmaqdan xilas etmişdir. Bundan sonra istehsalçı komandanın diqqət mərkəzi lisenziyalı oyunlar satışa çıxarmaq əvəzinə, studiyanın bir öz əqli mülkiyyətləri əsasında "Pillars of Eternity" sikveli kimi orijinal videooyunlar istehsal etməyə çevrilmişdir.

Studiya 2018-ci ilin noyabr ayında "Microsoft" korporasiyası tərəfindən satın alındığını və "Microsoft Studios" (həmçinin, "Xbox Game Studios" adlanır) törəmə şirkətinin bir parçası olduğunu anons etmişdir. Studiyanın sonuncu buraxılışı elmi fantastika janrında olan "The Outer Worlds" rol videooyunudur.