Nükət-səza Qadınəfəndi (2 yanvar 1827, Abxaziya[d] – 15 may 1850, İstanbul) — 31. Osmanlı sultanı Əbdülməcidin doqquzuncu xanımı.

Nükət-səza Qadınəfəndi
Nükət-səza Qadınəfəndi
	osman. نکهت سزا خانم
Şəxsi məlumatlar
Doğum adı	خديجه باراس
Doğum tarixi	2 yanvar 1827
Doğum yeri	Abxaziya[d];
Vəfat tarixi	15 may 1850 (23 yaşında)
Vəfat yeri	İstanbul, Osmanlı imperiyası;
Dəfn yeri	Yeni Məscid;
Fəaliyyəti	əsilzadə
Atası	Yatuq bəy Baras
Anası	Fərxundə xanım
Həyat yoldaşı	I Əbdülməcid;
Uşağı	Mehmed Burhanəddin Əfəndi;

Nükət-səza Qadınəfəndi (2 yanvar 1827, Abxaziya^[d] – 15 may 1850, İstanbul) — 31. Osmanlı sultanı Əbdülməcidin doqquzuncu xanımı.

Həyatı

Nükət-səza xanım 1827-ci ildə Abxaziyada dünyaya gəlmişdir. Əsl adı Xədicə Baras idi. Atası abxaz əsilli Yatuq bəy Baras, anası isə gürcü əsilli Fərxundə xanım idi. 8 yaşında ailəsi tərəfindən İstanbula gətirilən Xədicə Osmanlı sarayına təslim edildi. Sarayda Validə Bəzmialəm Sultan tərəfindən himayəyə götürülən Xədicənin adı dəyişdirildi və Nükət-səza qoyuldu. Sarayda mükəmməl təhsil alan Nükət-səza piano və ud çalmağı da öyrəndi.

Nükət-səza xanım Topqapı sarayında təhsilini bitirdikdən sonra 21 oktyabr 1841-ci ildə 14 yaşında Sultan Əbdülməcidlə evləndirildi və padşahın baş iqbalı oldu. Bu nigahdan ard-arda 3 övladı dünyaya gəldi: Şahzadə Əhməd Əfəndi, Fatma Nazimə Sultan və Şahzadə Mehmed Burhanəddin Əfəndi. Ancaq övladlarının ikisi körpə ikən vəfat etmiş, yalnız Mehmed Burhanəddin Əfəndi həyatda qala bilmişdi. Osmanlı sülaləsinin 44-cü rəisi Osman Bəyazid Əfəndinin böyük nənəsidir.

Nükət-səza xanım yayılan vərəm epidemiyasına tutulmuş, 1850-ci ildə vəfat etmişdir. Cənazəsi Yeni məsciddə dəfn edilmişdir. Bacısı Şəklibar xanım daha sonra saray xidmətinə alınmış və 1911-ci ildə İstanbulda vəfat etmişdir.

Övladları

Əhməd Əfəndi (d. 5 iyun 1846 - ö. 6 iyun 1846)
Fatma Nazimə Sultan (d. 26 noyabr 1847 - ö. 1 dekabr 1847)
Mehmed Burhanəddin Əfəndi