Tənzilə Yolçu qızı Rüstəmxanlı (28 noyabr 1960, Qaraçanta, Amasiya rayonu) — Azərbaycan ictimai fəalı və siyasətçisi;Azərbaycan Respublikası Milli Məclisinin VI

Tənzilə Yolçu qızı Rüstəmxanlı 28 noyabr 1960-cı ildə Ermənistan SSR-in, Amasiya rayonunun, Əzizbəyov kəndində anadan olmuşdur. 1969-cu ildə ailə vəziyyətilə əlaqədər Balakən rayonunun Qazbinə kəndinə köçmüşdür. 1969-cu ildə Qazbinə kənd orta məktəbin birinci sinfinə daxil olmuş və 1977-ci ildə məkətəbin 8-ci sinfini bitirmişdir. 1977-ci ildə Bakı şəhərində Bakı Ticarət Texnikomuna daxil olmuş, Mühasibat uçotu üzrə ixtisasa yiyələnmişdir. 1980-ci ildə texnikomu bitirib, Mingəçevir şəhərinin Ticarət İdarəsinə təyinat üzrə göndərilmişdir.

1982-ci ildən bəri Azərbaycan Mərkəzi Kooperativlər İttifaqında (Azərittifaq) müxtəlif vəzifələrdə çalışır. Hazırda “Azərittifaq”ın sədr müavinidir.

1991-ci ildə Moskva Kooperativ İnstitutunun Bakı flialını iqtisadçı ixtisası üzrə bitirmişdir. 2012-ci ildə Bakı Dövlət Universitetində Filologiya üzrə fəlsəfə elmlər doktoru elmi dərəcəsini almışdır.

Ailəsi

Azərbaycan Respublikasının xalq şairi, Vətəndaş Həmrəyliyi Partiyasının sədri, Milli Məclisin deputatı Sabir Rüstəmxanlının həyat yoldaşıdır. Oğlu Cəmil Rüstəmxanlı Ziya Məmmədovun qardaşı İldırım Məmmədovun qızı Günel Məmmədova-Rüstəmxanlı ilə evli olub. Cəmil Rüstəmxanlı Azəryol VK-nın prezidenti olmuşdur. Qızı Aydan Rüstəmxanlı isə müğənni Elçin Cəfərov ilə evli olub.

Bacısı Könül Rüstəmxanlı Sabir Rüstəmxanlının qardaşı Şahbaz Xuduoğlu ilə evli olub. O, 2015-ci ildə yol qəzasında vəfat etmişdir.

Tənzilə Rüstəmxanlı 1996-cı il may ayının 3-də Azəri Türk Qadınlar Birliyinin sədri seçilmişdir. O, Dünya Azərbaycanlıların Konqresində sədr Sabir Rüstəmxanlının Türk Dünyası üzrə müşaviridir. Türkiyənin Asılsız Erməni İddialarına Qarşı Mübarizə Dərnəyinin İdarə Heyətinin üzvüdür. Bir müddət o, Azərittifaq sədrinin 1-ci müavini vəzifəsində çalışmışdır, indi isə müavindir.

Tənzilə Rüstəmxanlı 2005-ci il parlament seçkilərində 17 saylı Yasamal seçki dairəsi üzrə deputatlığa namizəd, Milli Birlik Hərəkatı lideri və Azərbaycan Liberal Partiyasının sabiq sədri Lalə Şövkətin namizədliyini dəstəkləmiş və 30 iyulda keçirilən dəstək mitinqinə qatılmışdır. Mitinqdə Rüstəmxanlı: "Xalq öz siyasi liderini seçərkən öz taleyini, maddi təminatını, sağlamlığını xalqa qurban verən Lalə Şövkətə üstünlük verməlidir. Azərbaycanın öndə gedən siyasətçilərinə nümunə olan, milli birliyi özünə hədəf seçən Lalə Şövkətin qədir-qiyməti bilinməlidir." — deyə çıxış etmişdir.

Hal-hazırda Vətəndaş Həmrəyliyi Partiyası sədri Sabir Rüstəmxanlının müşaviridir.

Tənzilə Rüstəmxanlı 2015-ci il parlament seçkilərində 42 saylı Sumqayıt ikinci seçki dairəsi üzrə deputatlığa namizədliyini irəli sürsə də, namizədliyi qeydə alınmamışdır.

Tənzilə Rüstəmxanlı 2024-cü il növbədənkənar parlament seçkilərində Vətəndaş Həmrəyliyi Partiyası üzvü olaraq 70 saylı Neftçala seçki dairəsindən deputatlığa namizəd olmuşdur. Onun şüarı "Neftçala üçün birlikdə" olmuşdur.

2024-cü il oktyabrın 8-də Azərbaycan - Türkmənistan parlamentlərarası əlaqələr üzrə işçi qrupunun rəhbəri seçilib.

Azərbaycan-İraq, Azərbaycan-İspaniya, Azərbaycan-Qazaxıstan, Azərbaycan-Qətər, Azərbaycan-Malayziya, Azərbaycan-Özbəkistan, Azərbaycan-Rumıniya, Azərbaycan-Səudiyyə Ərəbistanı, Azərbaycan-Türkiyə parlamentlerarası əlaqələr üzrə işçi quruplarının üzvüdür

• Türkiyədə fəaliyyət göstərən Türk Dünyası Araşdırmaları Vəqfinin Türk dünyasına xidmətlərinə görə, fəxri fərman və mükafatlarına layiq görülmüşdür.^{[mənbə göstərilməlidir]}
• Tənzilə Rüstəmxanlı "koorperasiya əlaçısı" nişanına layiq görülmüşdür.^{[mənbə göstərilməlidir]}
• Tənzilə Rüstəmxanlı 2001-ci ildə Azərbaycanda keçirilən sorğu nəticəsinə görə "İlin Qadını" adına layiq görülmüşdür.^{[mənbə göstərilməlidir]}
• 2002-ci ildə "ilin vətənpərvər"i diplomu.^{[mənbə göstərilməlidir]}
• 2003-cü ildə "Azərbaycanın tanınmış ziyalısı" və "Azərbaycanın tanınmış xanımları" beynalxalq layihəsinin qalibi.^{[mənbə göstərilməlidir]}
• 2004-cü ildə isə "XXI əsrin tanınmış ziyalısı" diplomları.^{[mənbə göstərilməlidir]}
• 22.12.2006. Azərbaycan-Türk Dünyası ictimai əlaqələrinin inkişafında göstərdiyi fədakar xidmətlərinə görə, "Qız Qalası Milli Mükafatı ilə mükafatlandırılmışdır.^{[mənbə göstərilməlidir]}
• Türkçülüyün təbliğində xidmətlərinə görə 26.12.2006-cı ildə "Qızıl Buta" Müstəqil Milli Mükafata təltif görülmüşdür.^{[mənbə göstərilməlidir]}
• 17 may 2006. KANAL 7-nin "Zirvədəkilər" təltifinə layiq görülmüşdür.^{[mənbə göstərilməlidir]}
• 15 sentyabr 2007-ci ildə Türkiyə Cumhuriyyətinin Kastamonu Bələdiyyə başqanlığı tərəfindən "Türk Dünyası Gənclərinin"əlaqələrinin genişlənməsindəki fəaliyyətinə görə, mükafata layiq görülmüşdür.^{[mənbə göstərilməlidir]}
• 02.11.2007. Kərkük türkmənlərinin mükafatına layiq görülmüşdür.^{[mənbə göstərilməlidir]}
• 27 mart 2008 Yalova Asılsız Erməni İddiaları ilə Mücadilə Dərnəyi tərəfindən "Xocalı Soyqırımının təbliği ilə bağlı mübarizəyə" görə, xüsusi mükafatla təltif olunmuşdur.^{[mənbə göstərilməlidir]}
• 24 aprel 2010-cu il. Avrasya Qazeteciler Dərnəyi tərəfindən Xüsusi Mükafatla təltif görülmüşdür.^{[mənbə göstərilməlidir]}
• 5 mart 2011-ci il. Azəri-Türk Qadınlar Birliyi Dövlət Ailə Qadın və Uşaq siyasətinin həyata keçirilməsində səmərəli əməkdaşlığa görə, Ailə, Qadın və Uşaq Problemləri üzrə Dövlət Komitəsinin Diplomu ilə təltif olunmuşdur.^{[mənbə göstərilməlidir]}
• 2013-cü ildə Türk Egitim-Sen tərəfindən ATATÜRK və Türk milləri mövzusunda keçirilən tədbirin Xüsusi Mükafatına layiq görülmüşdür.^{[mənbə göstərilməlidir]}
• Azərbaycan Respublikasının ictimai həyatında səmərəli fəaliyyətinə görə 2020-ci ildə "Şöhrət" ordeni ilə təltif edilib