Məsud Əli oğlu Vəliyev (5 oktyabr 1928, Mahmudlu, Zəngəzur qəzası – 23 iyun 1973, Bakı) — Azərbaycan yazıçısı. Filologiya elmləri doktoru.

Məsud Əlioğlu
Məsud Əlioğlu
	Vəliyev Məsud Əli oğlu
Digər adı	Məsud Vəliyev
Doğum tarixi	5 oktyabr 1928
Doğum yeri	Mahmudlu, Zəngəzur qəzası, Ermənistan SSR, ZSFSR, SSRİ;
Vəfat tarixi	23 iyun 1973 (44 yaşında)
Vəfat yeri	Bakı, Azərbaycan SSR, SSRİ;
Vətəndaşlığı	SSRİ
Uşağı	Afaq Məsud;
Atası	Əli Vəliyev
Elm sahələri	nəsr, ədəbiyyat, ədəbi tənqid
Elmi dərəcələri	filologiya elmləri namizədi[d],; filologiya elmləri doktoru;
İş yeri	Nizami Gəncəvi adına Ədəbiyyat İnstitutu;
Təhsili	BDU Filologiya fakültəsi;

Məsud Əli oğlu Vəliyev (5 oktyabr 1928, Mahmudlu, Zəngəzur qəzası – 23 iyun 1973, Bakı) — Azərbaycan yazıçısı. Filologiya elmləri doktoru.

Həyatı

Məsud Əlioğlu 5 oktyabr 1928-ci ildə Qubadlı rayonunun Mahmudlu kəndində anadan olmuşdur. Mənşəcə kürddür. 1946-cı ildə Azərbaycan Dövlət Universitetinin filologiya fakültəsinə daxil olub. Universiteti bitirdikdən sonra elmi fəaliyyətini Azərbaycan Elmlər Akademiyasının Nizami adına Ədəbiyyat institutu ilə başlayıb. 27 yaşında "Nəsrimizdə vətəndaş müharibəsi mövzusu" adlı elmi tədqiqat əsərinə görə filologiya elmləri namizədi, 40 yaşında "Azərbaycan sovet nəsrinin inkişaf yolları" mövzusu üzrə yazdığı elmi tədqiqat əsərinə görə filologiya elmləri doktoru dərəcəsinə layiq görülüb.

1950–1960-cı illərdə Azərbaycan ədəbi tənqidinin aparıcı nümayəndələrindən biri olmuş, həm də görkəmli bir ədəbiyyatşünas kimi də şöhrət qazanmışdır. 1960-cı illərin əvvəllərinə kimi o, yalnız Məsud Vəliyev kimi tanınıb, sonra Məsud Əlioğlu kimi də imzasını məşhurlaşdırıb.

100-ə qədər məqalənin, monoqrafiyaların, Nizami, Füzuli, M. F. Axundov, N. Vəzirov, S. S. Axundov, Ə. Haqverdiyev, C. Məmmədquluzadə, M. Ə. Sabir, M. Hadi, H. Cavid, Y. V. Çəmənzəminli, Şeyx Məhəmməd Xiyabani, Şəhriyar və digər bu kimi ədiblərin yaradıcılığını, həmçinin yaşadığı dövrün çağdaş ədəbiyyatının mənzərəsini işıqlandıran dəyərli kitabların müəllifidir.

Əsərləri sovet dönəmində yasaq olunmuş Hüseyn Cavidə ədəbi bəraət qazandırmış ilk silsilə məqalələrin və fundamental "Hüseyn Cavid" monoqrafiyasının müəllifidir.

Məsud Əlioğlu cəmi 44 il ömür sürərək, 1973-cü ilin 23 iyun ayında Bakı şəhərində vəfat edib.

Ailəsi

O, xalq yazıçısı Əli Vəliyevin oğlu, yazıçı Afaq Məsudun atasıdır.

Xatirəsi

25 sentyabr 2018-ci ildə Nizami Gəncəvi adına Ədəbiyyat İnstitutunun elektron Akt zalında Məsud Əlioğlunun 90 illik yubileynə həsr edilmiş elmi sessiya keçirilib.

Kitabları

C. Məmmədquluzadənin dramaturgiyası. Bakı, Azərnəşr, 1954
S. S. Axundov. Bakı, Azərnəşr, 1956
Məfkurə dostları. Bakı, Azərnəşr, 1961
Rəsul Rza. Bakı, Azərnəşr, 1960
Ədəbiyyatda yeni insan. Bakı, Azərnəşr, 1964
Məslək qardaşları. Bakı, Azərnəşr, 1966
Tənqidçinin düşüncələri. Bakı, Azərnəşr, 1968
Ədəbi fraqmentlər. Bakı, Azərnəşr, 1974
H. Cavidin romantizmi. Bakı, Azərnəşr, 1975
Amal və sənət. Bakı, Yazıçı, 1980
Məhəbbət və qəhrəmanlıq. Bakı, Yazıçı, 1979
Darıxan adamlar (iki cilddə). Bakı, "Elm və təhsil", 2009
Darıxan adamlar (seçilmiş əsərləri). Bakı, "Təhsil", 2018, 792 səh. ISBN 978-9952-518-05-4