Azərbaycanca (AZ)
English (US)
Қазақша (KZ)
Lietuva (LT)
Türkçe (TR)
O'zbekcha (UZ)
Arnold Yohannes Vilhelm Zommerfeld (alm. Arnold Johannes Wilhelm Sommerfeld; 5 dekabr 1868[…], Köniqsberq – 26 aprel 1951[…], Münxen) – həm atom, həm də kvant fizikası sahəsindəki inkişafın öncüllərindən olmuş, eyni zamanda nəzəri fizikanın yeni dövrü üçün çoxsaylı tələbələr yetişdirmiş və onlara mentorluq etmiş alman nəzəri fiziki.
| Arnold Zommerfeld | |
|---|---|
| alm. Arnold Sommerfeld | |
 | |
| Doğum adı | Arnold Johannes Wilhelm Sommerfeld |
| Doğum tarixi | 5 dekabr 1868[…] |
| Doğum yeri | |
| Vəfat tarixi | 26 aprel 1951[…] (82 yaşında) |
| Vəfat yeri | |
| Vəfat səbəbi | yol-nəqliyyat hadisəsi |
| Elm sahəsi | Spektroskopiya |
| İş yerləri |
|
| Təhsili |
|
| Elmi rəhbərləri | Karl Lindeman |
| Tanınmış yetirmələri | Laynus Polinq, Hans Bete |
| Üzvlüyü |
|
| Mükafatları |  |
 Vikianbarda əlaqəli mediafayllar | |
Zommerfeld yeddi "Nobel" mükafatı laureatının doktorantura və postdoktorantura rəhbəri olmuş, həmçinin ən azı 30 digər tanınmış fizik və kimyaçının elmi fəaliyyətinə rəhbərlik etmişdir.
O, ikinci kvant ədədini (azimutal kvant ədədi) və üçüncü kvant ədədini (maqnit kvant ədədi) elmə daxil etmişdir. Zommerfeld, həmçinin incə quruluş sabitini təqdim etmiş və rentgen şüalarının dalğa nəzəriyyəsinin banisi olmuşdur.
Erkən həyatı və təhsili
Arnold Yohannes Vilhelm Zommerfeld 5 dekabr 1868-ci ildə Köniqsberqdə (indiki Kalininqrad, Rusiya), kökləri Prussiyaya dayanan bir ailədə anadan olmuşdur. Anası Sesili Mattias (1839–1902) potsdamlı bir inşaatçının qızı idi. Atası Frans Zommerfeld (1820–1906) Köniqsberqin nüfuzlu ailələrindən birinə mənsub həkim idi; Arnoldun babası 1822-ci ildə Prussiya krallığının xidmətində Saray Poçt Katibi kimi karyera qurmaq üçün əyalətdən buraya köçmüşdü. Zommerfeld ailəsinin mənsub olduğu Prussiya Evangelik Protestant Kilsəsində xaç suyuna çəkilmişdi və dindar olmasa da, xristian inancından heç vaxt imtina etməmişdi.
Zommerfeld Köniqsberq Universitetində riyaziyyat və fizika elmləri üzrə təhsil almışdır. Onun dissertasiya rəhbəri riyaziyyatçı Ferdinand fon Lindeman olmuşdur; o, həmçinin riyaziyyatçılar Adolf Hurvits və David Hilbert, habelə fizik Emil Vixertin mühazirələrindən bəhrələnmişdir. Tələbə korporasiyasındakı (Burschenschaft) iştirakı onun üzündə ömürlük duel çapığının qalmasına səbəb olmuşdur. O, 24 oktyabr 1891-ci ildə fəlsəfə doktoru (Ph.D.) dərəcəsini almışdır.
Doktorluq dərəcəsini aldıqdan sonra Zommerfeld müəllimlik diplomu üzərində işləmək üçün Köniqsberqdə qalmışdır. 1892-ci ildə dövlət imtahanını verdikdən sonra Köniqsberqdəki ehtiyat polkda birillik hərbi xidmətə başlamışdır. Məcburi hərbi xidmətini 1893-cü ilin sentyabrında başa vursa da, növbəti səkkiz il ərzində könüllü olaraq səkkiz həftəlik hərbi xidmətlərini davam etdirmişdir. Yuxarı burulmuş bığları, bədən quruluşu, Prussiyaya məxsus vüqarlı duruşu və üzündəki duel çapığı ilə o, qusar polkovniki təəssüratı bağışlayırdı.
vikipedia, viki, ensiklopediya, kitab, məqalə, oxumaq, pulsuz yüklə, Arnold Zommerfeld haqqında məlumat. Arnold Zommerfeld nədir? Arnold Zommerfeld nə deməkdir?