Elizabet Çeyz "Lizzi" Olsen (16 fevral 1989, Los-Anceles) — ABŞ aktrisası. "Qodzilla" (2014), "Qisasçılar: Altron dövrü" (2015), "Səssiz ev" (2011), "Humanitar

Elizabet Olsen 1989-cu ildə şəxsi menecer Cernet Cerninin və ipoteka bankiri Devid Olsenin qızı kimi Los-Anceles şəhərinin Şerman Oaks adlı hissəsində anadan olmuşdur. Bacıları Meri-Keyt və Eşli Olsen hənc yaşdaykən TV şousunda məşhurlaşmışdılar. Trent Olsen adlı böyük qardaşı da var. 1996-cı ildə Elizabetin valideynləri boşanmışdırlar. Elizabet Olsen ata tərəfdən norveçli, ana tərəfdən ingilis kökləri var.

Uşaq yaşlarında Elizabet balet və musiqi dərslərinə getmişdir. Kiçik ikən bacılarının filmlərində görünmüşdür. 1994-cü ildə "Qərb necə əyləncəli oldu" və "Meri-Keyt & Eşlinin macəraları" videolarında kiçik rollar almışdır. Bundan sonra müxtəlif layihələrə qatılmışdır.

Bağçadan sonra Şimali Hollivudda yerləşən Kampbell Holl məktəbində 12 il oxumuşdur. Məktəbi bitirdikdən sonra Nyu York Universitetinin nəzdində Tiç İncəsənət Məktəbinə qədəm qoymuşdur. 2009-cu ildə Moskvada semester təhsili almışdır.

Elizabet Olsen 4 yaşında ikən bacıların layihələrində çəkilmişdir. "Cəsus uşaqlar" filmində isə çəkilməyə namizəd olmuşdur.

2011-ci ildə çəkildiyi "Marta, Mersi Mey, Merlin" filmindəki rolu böyük alqış toplamışdır. Bu filmdə sayıqlamalardan əziyyət çəkən Marta rolunu oynadığı üçün bir neçə mükafata layiq görülmüşdür. Bundan sonra "Səssiz ev" triller filmində yer almışdır. Burada Sara obrazını canlandıran Olsenin performansı yenə yüksək qiymətləndirilmişdir. Elizabet Olsen Karlottanın "Kraliça" musiqili videosunda da yer almışdır. Olsen 2011-ci ilin ortalarında "Qırmızı işıqlar" filmində çəkilmişdir. Bu filmə ilk baxış 13 iyul 2012-ci ildə baş tutmuşdur. 2012-ci ilin 22 yanvarında tamamlanan "Humanitar elmlər" filminin baş rollarının birində oynamışdır. 2013-cü il istehsalı "Çox yaxşı qızlar" filmində Dakota Fenninq ilə birlikdə baş rolda oynamışdır.

2013-cü ildə Elizabet Olsen BAFTA Yüksələn Ulduz mükafatı laureatı olmuşdur. 2013-cü ildə ABŞ-Koreya istehsalı "Oldboy" filmində gənc biznesmen Mariya rolunda oynamışdır. "Əzizlərini öldür" filmində Edi Parker rolunu canlandırmışdır.

2014-cü ildə Elizabet Olsen Aron-Teylor Censon və Brayan Kranstonun da baş rolda olduğu "" filmində çəkilmişdir. 2015-ci ildə isə "Qisaçılar: Altron dövrü" komiks-fantastika filmində Qırmızı cadugər rolunu ifa etmişdir. Bundan əvvəl "Kapitan Amerika: Qış əsgəri" filminin ən son səhnəsində də bu rolu oynamışdır. Bu iki filmdə "Qodzilla" filmində də birlikdə işlədiyi Aron-Teylor Censon də çəkilmişdir. Elizabet Olsen 2016-ci ildə "Kapitan Amerika: Vətəndaş müharibəsi" filmində yenə öz rolunu oynamışdır.

2014-cü ilin sentyabrında Elizabet Olsenin 2015-ci ildə tamamlanan və Mark Abrahamın rejissoru olduğu "Mən işıq gördüm" filmində Henk Vilyamsın həyat yoldaşı Odri Vilyamsı canlandıracağı açıqlanmışdır. Henk Vilyams rolunda isə Tom Hidlston çıxış etmişdir.

2016-cı ilin yanvarında Olsen Ceremi Renner ilə birlikdə Teylor Şeridanın rejissor kimi debüt filmi olan Külək çayı filmində oynayacağını açıqlamışdır.

Olsen Nyu York Universitetinin nəzdində Tiç İncəsənət Məktəbinə və Atlantik Teatr Cəmiyyətinə qatılmışdır və 2013-cü ilin martında 6 illik təhsildən sonra məzun olmuşdur. Bacılarının yaratdığı "Elizabet və Ceyms" geyim brendi onun və böyük qardaşının adını daşıyır.

ELizabet Olsenin 2014-cü ilin martında "Çox yaxşı qızlar" filminin çəkilişləri zamanı — 2012-ci ilin sentyabrında tanış olduğu aktyor Boyd Holbruk ilə nişanlanmışdır. 2015-ci ilin yanvarında onların nişanı ləğv olmuş və onlar ayrılmışdırlar.

Olsen özünün ateist olduğunu açıqlamışdır.

İl	Film	Rol	Qeydlər
1994	Qərb necə əyləncəli oldu	Maşındakı qız	Kameo
2011	Marta, Mersi Mey, Merlin	Marta
2011	Səssiz ev	Sara
2011	Sülh, sevgi & anlaşılmazlıq	Zoe
2012	Qırmızı işıqlar	Salli Ouen
2012	Humanitar elmlər	Zibbi
2013	Əzizlərini öldür	Edi Parker
2013	Çox yaxşı qızlar	Qerri
2013	Oldboy	Mariya Sebastyan
2013	Gizlincə	Tereza Raquin
2014	Kapitan Amerika: Qış əsgəri	Vanda Maksimov / Qırmızı cadugər	Kameo
2014	Qodzilla	Elle Brodi
2015	Qisaçılar: Altron dövrü	Vanda Maksimov / Qırmızı cadugər
2015	Mən işıq gördüm	Odri Vilyams
2016	Kapitan Amerika: Vətəndaş müharibəsi	Vanda Maksimov / Qırmızı cadugər	Davam edir
2016	Sərxoş tarix	Norma Kopp	teleserial; seriya: "Bacı-qardaşlar"
2017	İnqrid qərbə gedir	Teylor Sloane
2017	Külək çayı	Ceyn Banner
2017	Kodaxrom	—	Davam edir
2018	Qisasçılar: Sonsuzluq savaşı	Vanda Maksimov / Qırmızı cadugər	Davam edir
2019	Qisasçılar: Final	Vanda Maksimov / Qırmızı cadugər

İl	Təşkilatçı	Kateqoriya	İş	Nəticə
2011	Çikaqo Film Tənqidçiləri Assosasiyası	Ən prespektivli permormans	Marta, Mersi Mey, Merlin	Qazandı
	Florida Film Tənqidçiləri Cəmiyyəti	Paulin Kal mükafatı		Qazandı
	Qent Beynəlxalq Film Festivalı	Xüsusi rol		Qazandı
	Los-Anceles Film Tənqidçiləri Assosasiyası	Yeni Nəsil mükafatı		Qazandı
	Vankuver Film Tənqidçiləri Cəmiyyəti	Ən yaxşı aktrisa		Qazandı
	Brodkest Fİlm Tənqidçiləri Assosasiyası	Ən yaxşı aktrisa		Namizəd
	Çikaqo Film Tənqidçiləri Assosasiyası	Ən yaxşı aktrisa		Namizəd
	Denver Film Tənqidçiləri Cəmiyyəti	Ən yaxşı aktrisa		Namizəd
	Denver Film Tənqidçiləri Assosasiyası	Ən yaxşı ulduz		Namizəd
	Detroyt Film Tənqidçiləri Cəmiyyəti	Ən yaxşı performans		Namizəd
	Qotem Müstəqil Film Mükafatları	Ən yaxşı aktrisa		Namizəd
	Qotem Müstəqil Film Mükafatları	Ən yaxşı ansablı performansı		Namizəd
	Azad ruh mükafatları	Ən yaxşı qadın baş rolu		Namizəd
	Onlayn Film Tənqidçiləri Assosasiyası	Ən yaxşı aktrisa		Namizəd
	San Dieqo Film Tənqidçiləri Cəmiyyəti	Ən yaxşı aktrisa		Namizəd
	Peyk mükafatları	Ən yaxşı aktrisa		Namizəd
	Saturn mükafatı	Ən yaxşı aktrisa		Namizəd
	Toronto Film Tənqidçiləri Assosasiyası	Ən yaxşı aktrisa		Namizəd
	Vaşinqton Film Tənqidçiləri Assosasiyası	Ən yaxşı aktrisa		Namizəd
2013	BAFTA Mükafatları	BAFTA Yüksələn Ulduz mükafatı	—	Namizəd
	Fanqoriya Çaynsau Mükafatları	Ən yaxşı qadın baş rolu	Səssiz ev	Qazandı