Rafael Sergeyeviç Qvaladze (1 yanvar 1948, Laqodexi, Kaxetiya – 15 yanvar 2026, Bakı) — Azərbaycan dövlət xadimi, Azərbaycan Respublikası Konstitusiya Məhkəməsi

1 yanvar 1948-ci ildə Gürcüstanın Laqodexi şəhərində anadan olmuşdur. 1971-ci ildə Azərbaycan Dövlət Universitetinin hüquq fakültəsini bitirmişdir. 15 yanvar 2026-cı ildə uzun sürən xəstəlikdən sonra vəfat etmişdir.

Əmək fəaliyyətinə 1971-ci ildə Azərbaycan Respublikası Ali Məhkəməsində başlamışdır. 1985-ci ilədək Azərbaycan Respublikasının Ali Məhkəməsində baş məsləhətçi, şöbə rəisi vəzifələrində çalışmışdır. 1985-ci ildən 1990-cı ilə qədər Azərbaycan Respublikası Ali Məhkəməsinin hakimi vəzifəsində işləmişdir.

1990-cı ildən 1992-ci ilədək Azərbaycan Respublikasının prokurorluq və ədliyyə orqanlarında müxtəlif vəzifələrdə çalışmışdır. 1992-ci ildən 1998-ci ilədək Ali Məhkəmədə şöbə rəisi vəzifəsində işləmişdir. 14 iyul 1998-ci ildə Azərbaycan Respublikası Milli Məclisinin qərarı ilə Azərbaycan Respublikası Konstitusiya Məhkəməsinin hakimi vəzifəsinə təyin olunmuşdur. 2004-cü ildən 2012-ci ilə qədər Bakı şəhəri Nizami rayon prokuroru vəzifəsində çalışmışdır. 22 iyun 2010-cu ildə hakimin səlahiyyətləri genişləndirilmişdir. Azərbaycan Respublikası Məhkəmə-Hüquq Şurasının üzvü olmuşdur.

10 aprel 2025-ci ildə xidmət üçün maksimum yaşı keçdiyi üçün təqaüdə çıxmışdır. Yaş həddinin 70 olmağına baxmayaraq, 77 yaşında təqaüdə çıxmışdır.

28 dekabr 2007-ci ildə "Azərbaycanın Əməkdar Hüquqşünası" fəxri adına layiq görülmüşdür. Azərbaycan Gürcü İcmasının sədri olmuşdur.

• "Tərəqqi" medalı (12 iyul 2003-cü il) — "Azərbaycan Respublikasında konstitusiya hüququnun inkişafındakı xidmətlərinə görə".
• Azərbaycanın əməkdar hüquqşünası (28 dekabr 2007-ci il) — məhkəmə orqanlarında uzun illər çalışdığına və hakim vəzifələrini nümunəvi şəkildə yerinə yetirdiyinə görə.
• Azərbaycan Respublikası Prezidentinin Fəxri Diplomu (27 dekabr 2017-ci il) — Azərbaycan Respublikasının məhkəmə orqanlarında uzun illər səmərəli fəaliyyətinə görə.
• "Azərbaycan Xalq Cümhuriyyətinin 100 illiyi" medalı (27 may 2019)
• II dərəcəli "Vətənə xidmətə görə" ordeni (13 iyul 2023) — "ədliyyə orqanlarında və dövlət qulluğunda səmərəli fəaliyyətinə görə".
• I dərəcəli "Vətənə xidmətə görə" ordeni (10 aprel 2025-ci il) — "Azərbaycan Respublikasının məhkəmə orqanlarında uzun illər səmərəli fəaliyyətinə görə".

Gürcüəsilli və azərbaycandillidir. Ailəlidir, üç övladı var. Oğlu Otari Qvaladze Konstitusiya Məhkəməsində hakimdir.