Nəriman Abbasqulu oğlu Əzimov (1 iyun 1936, Kirovabad – 19 noyabr 2016, Bakı) — azərbaycanlı bəstəkar və dirijor, professor (2003), Azərbaycan Respublikasının X

Nəriman Əzimov
Nəriman Əzimov
	Nəriman Abbasqulu oğlu Əzimov
Ümumi məlumatlar
Doğum tarixi	1 iyun 1936
Doğum yeri	Gəncə, Azərbaycan SSR, SSRİ
Vəfat tarixi	19 noyabr 2016 (80 yaşında)
Vəfat yeri	Gəncə, Azərbaycan
Vətəndaşlığı	SSRİ→; Azərbaycan
Milliyyəti	azərbaycanlı
Musiqiçi məlumatları
Fəaliyyəti	bəstəkar, dirijor, xanəndə
Janr	muğam
Musiqi aləti	tar
Təhsili	Bakı Musiqi Akademiyası;
Mükafatları	;

Nəriman Abbasqulu oğlu Əzimov (1 iyun 1936, Kirovabad – 19 noyabr 2016, Bakı) — azərbaycanlı bəstəkar və dirijor, professor (2003), Azərbaycan Respublikasının Xalq artisti (1991), Prezident təqaüdçüsü.

Həyatı

Nəriman Əzimov 1 iyun 1936-cı ildə Gəncədə anadan olmuşdur. Azərbaycan Dövlət Konservatoriyasının Xor dirijorluğu fakültəsini bitirmişdir. Tələbəlik dövründən Xalq Çalğı Alətləri Orkestrində tarzən kimi fəaliyyət göstərən Nəriman Əzimov ömrünün 60 ilini Azərbaycan Televiziyası və Radiosuna həsr etmişdir.

Nəriman Əzimov AzTR-nin Xor kollektivində xormeyster işləmişdir. O, 1974-cü ildən Səid Rüstəmov adına Azərbaycan Dövlət Xalq Çalğı Alətləri Orkestrinin bədii rəhbəri və baş dirijoru olmuşdur. Həmçinin AzTV QSC səs rejissoru işləmişdir. N.Əzimov "Gəncəm", "Xatirə", "Özəlim – gözəlim" və s. əsərlərin müəllifidir. O, 2003- cü ildə professor elmi rütbəsini qazanmışdır.

Ölümü

Uzun sürən ürək çatışmazlığından və xəstəlikdən əziyyət çəkən Nəriman Əzimov 19 noyabr 2016-cı ildə vəfat etmiş və Gəncənin Səbsikar qəbiristanlığında dəfn edilmişdir..

Mükafatları

Azərbaycan SSR Ali Sovetinin Fəxri fərmanı — 09.12.1982
Azərbaycan Respublikasının Xalq artisti — 1991
7 noyabr 2016-cı ildə "Şöhrət" ordeni ilə təltif edilib.