Aydın İbrahimov (tam adı: İbrahimov Aydın Əli oğlu; 17 sentyabr 1938, Kirovabad – 2 sentyabr 2021, Bakı) — SSRİ güləşçisi.; SSRİ əməkdar idman ustası və əməkdar

Aydın İbrahimov
Aydın İbrahimov
Şəxsi məlumatlar
Tam adı	Aydın Əli oğlu İbrahimov
Vətəndaşlığı	SSRİ; Azərbaycan;
Doğum tarixi	17 sentyabr 1938
Doğum yeri	Kirovabad, Azərbaycan SSR, SSRİ;
Vəfat tarixi	2 sentyabr 2021 (82 yaşında)
Vəfat yeri	Bakı, Azərbaycan;
Vəfat səbəbi	Koronavirus xəstəliyi
Boyu	163 sm
Çəkisi	57 kq
İdman növü	Güləş
Məşqçisi	İbrahimpaşa Dadaşov
Medallar
; Olimpiya Oyunları
Dünya çempionatı
Avropa çempionatı
Fəxri idman adları

Aydın İbrahimov (tam adı: İbrahimov Aydın Əli oğlu; 17 sentyabr 1938, Kirovabad – 2 sentyabr 2021, Bakı) — SSRİ güləşçisi.; SSRİ əməkdar idman ustası və əməkdar məşqçisi; "Neftçi" PFK-nın ilk prezidenti (1988–1997).

Fəaliyyəti

1960-cı illərdə idmanın güləş növü ilə peşəkar səviyyədə məşğul olmuşdur.

1988-ci ildə Bakının "Neftçi" komandasının prezidenti vəzifəsinə gətirilmişdir. Onun fəaliyyəti dövründə klub SSRİ çempionatının Güclülər dəstəsinə vəsiqə qazana bilməsə də, müstəqil Azərbaycanın ilk milli çempionatının qalibi oldu, sonra isə daha iki dəfə ölkənin ən güclüsü adını qazanmışdır. 1997-ci ildə bu postu tərk etmişdir.

Bakının "Dinamo" idman cəmiyyətinin üzvü idi.

Görkəmli idmançı 2 sentyabr 2021-ci ildə 82 yaşında Covid-19 xəstəliyindən vəfat etmişdir.

Uğurları

Güləş üzrə 1963-cü il Dünya çempionu;
Güləş üzrə 1966-cı il Avropa çempionu;
Sərbəst güləş üzrə 57 kq çəki dərəcəsində 1964 Yay Olimpiya Oyunlarının bürünc mükafatçısı.
1964-cü il güləş üzrə SSRİ çempionu, 1963-cü il SSRİ gümüş mükafatcısı, 1960 və 1957-ci illər SSRİ bürünc mükafatçısı.
Klub prezidenti kimi futbol üzrə Azərbaycan çempionu (1992, 1996, 1997)
Klub prezidenti kimi futbol üzrə Azərbaycan kubokunun qalibi (1995, 1996)