Ağdam (tarixi adı: Ağdam Ocaqlı) — Azərbaycan Respublikasının Tovuz rayonunun Ağdam kənd inzibati ərazi dairəsində kənd.

Ağdam
Ağdam
	40°54′23″ şm. e. 45°33′14″ ş. u.HGYO
Ölkə	Azərbaycan;
Tarixi və coğrafiyası
Saat qurşağı	UTC+04:00;
Əhalisi
Əhalisi	1.236 nəf. (2009);
Rəqəmsal identifikatorlar
Poçt indeksi	AZ6038
	Xəritəni göstər/gizlə Ağdam
	Vikianbarda əlaqəli mediafayllar

Ağdam (tarixi adı: Ağdam Ocaqlı) — Azərbaycan Respublikasının Tovuz rayonunun Ağdam kənd inzibati ərazi dairəsində kənd.

Toponimikası

Kəndin adı rayonun ərazisindəki eyniadlı dağdan goturulmuşdür. 1917-ci ildə bu kəndin adı Ağdam Ocaqlı şəklində qeydə alınmışdır.

Tarixi

Kənd Ermənistanla həmsərhəddir və buna görə də cəbhə xətti kəndin yaxınlığından keçir. Ermənistan ordusunun bölmələri kəndi daim atəş altında saxlayır və yanğınlar törədirlər. 2007-ci il oktyabrın 16-da Ermənistan Silahlı Qüvvələrinin bölmələri Tovuz rayonun Ağdam kəndi ilə sərhəddə güclü yanğınlar törədiblər. Yanğınların Azərbaycanın nəzarətində olan cəbhəyanı əraziyə keçməsi nəticəsində cəbhə xəttinin yaxınlığındakı qəbiristanlıq və Azərbaycanın tarixi abidələri siyahısında olan "Alı dədə" abidəsi kimi tanınan, yerli əhalinin ziyarətgahı olan Ağa Mir Əlinin türbəsi də yanıb.

2020-ci il iyul ayının 12-də başlayan Tovuz döyüşlərinin baş verdiyi kənddir.

Tarixi abidələri

Ağdam kəndində aşağıdakı daşınmaz tarix və mədəniyyət abidələri qeydə alınmışdır:

İnventar №	Abidənin adı	Tarixi	Yerləşdiyi ünvan	Növü	Əhəmiyyət dərəcəsi
5195	Alı Dədə türbəsi	XIX əsr	Ağdam kəndi	Memarlıq	Yerli
6053	Qəbiristanlıq	Orta əsrlər	Ağdam kəndi	Arxeoloji	Yerli

Coğrafiyası və iqlimi

Kənd Kicik Qafqaz dağlarının ətəyində yerləşir.

Əhalisi

İl	Daimi əhali	Kişilər	Qadınlar
1999	1109	527	582
2009	↗1236	↗604	↗632

Tanınmış şəxsləri

Süleyman Məmmədli — Azərbaycana SSRİ dövründə ilk dəfə kikboksinqi, taekvondonu, karateni, Şərq əlbayaxa döyüş növlərini gətirən idmançı.

İqtisadiyyatı

Mədəniyyəti

Kənddə Ağdam kənd kitabxana filialı və Ağdam poçt şöbəsi (AZ6038) fəaliyyət göstərir.

Təhsil

Kənddə Naiq Yusifov adına Ağdam kənd tam orta məktəbi fəaliyyət göstərir.

Bundan başqa kənddə Ağdam kənd uşaq bağçası fəaliyyətdədir.

Din

Kənddə dini ibadət yeri və ya dini icma qeydə alınmamışdır.

Səhiyyə

Kənddə Ağdam kənd həkim məntəqəsi yerləşir.