Azərbaycanca (AZ)
English (US)
Қазақша (KZ)
Lietuva (LT)
Türkçe (TR)
O'zbekcha (UZ)
Məmmədbəyli Həbibulla Cəfərqulu oğlu (1 dekabr 1912, Şağan, Bakı qəzası – 13 aprel 1982, Bakı) — Azərbaycan astronomu, fizika-riyaziyyat elmləri doktoru, professor.
| Həbibulla Məmmədbəyli | |
|---|---|
| Həbibulla Cəfərqulu oğlu Məmmədbəyli | |
 | |
| Doğum tarixi | 1 dekabr 1912 |
| Doğum yeri | |
| Vəfat tarixi | 13 aprel 1982 (69 yaşında) |
| Vəfat yeri | |
| Vətəndaşlığı |  Rusiya imperiyası SSRİ |
| Həyat yoldaşı | Səriyyə Fərəc qızı Məcidova |
| Atası | Cəfərqulu bəy Məhəmmədbəyov |
| Anası | Bəyim xanım Məhəmmədbəyova |
| Elmi dərəcəsi |
|
| İş yerləri |
|
| Təhsili | Leninqrad Dövlət Universiteti |
Həyatı
Məmmədbəyli Həbibulla Cəfərqulu oğlu 1912-ci il dekabrın 1-də Bakının Şağan kəndində bəy ailəsində anadan olmuşdur. Atası Cəfərqulu bəy Şağan kəndinin kəndxudası olmuşdur. Beş oğul və iki qız atası olmuşdur. Anası Bəyim xanım da bəy ailəsində doğulmuşdur. Cəfərqulu bəy 1937-ci repressiya qurbanı olmuşdur. 1956-cı ildə bəraət qazanmışdır. Harada dəfn olunduğu bilinmir.
O, vaxtlar xalq düşməni oğlu olmasına baxmayaraq Bakıda orta məktəbi bitirdikdən sonra Leninqrad Dövlət Universitetinə daxil olmuş və oranı bitirmişdir. Ali təhsili aldıqdan sonra Bakıya qayıtmış, Azərbaycan Dövlət Universitetində, Azərbaycan Pedaqoji İnstitutunda dərs demişdir. Azərbaycan, rus, alman dillərini mükəmməl bilirdi, ərəb və fars dillərindəki ədəbiyyatı sərbəst surətdə araşdıra bilirdi.
1946-cı ildə Azərbaycan Tibb İnstitunu bitirmiş Səriyyə Fərəc qızı Məcidova ilə ailə həyatı qurmuşdur. İki oğul və bir qızları olmuşdur.
Elmi yaradıcılığı
Həbibulla Məmmədbəylinin fəaliyyətinin bir hissəsi Nəsirəddin Tusi irsinin araşdırılmasına həsr edilmişdir. Alim Nəsirəddin Tusinin astronomiya və riyaziyyat elmləri sahəsindəki xidmətlərini geniş şəkildə işıqlandırmışdır. Tədqiqatçı yazır ki, Nəsirəddin Tusinin təsis etdiyi Marağa rəsədxanasında coğrafi koordinatlar cədvəli tərtib edilmiş və bu cədvəlin coğrafiya elminin inkişafında böyük, Amerikanın kəşfində isə müəyyən dərəcədə əhəmiyyəti olmuşdur.
Uzun illər dövlət televiziyasının elmi şərhçisi kimi çalışmışdır. Elmin bir çox sahələri ilə məşğul olmuşdu. Onlarca elmi, populyar kitabların müəllifidir.
Həbibulla Məmmədbəyli 1963-cü ildə Praqada keçirilən Beynəlxalq Astronomiya Konqressində Beynəlxalq Astronomiya Birliyinin həqiqi üzvü seçilmişdir.
Əsas elmi əsərləri
- Astronomiya (qısa kurs) Az. SSR XMK nəşri, Bakı, 1941
- Астрономическая памятка бойцу. Баку, АГУ, 1943.
- Mühəmməd Nəsirəddin Tusi, Gənclik, Bakı, 1957, 154 s.
- Основатель Марагинской обсерватории Насирэддин Туси, Баку, 1961, 316 с.
- Mühəmməd Nəsirəddin Tusi, Gənclik, Bakı, 1968, 228 s.
- Tarixləri çevirmək üçün sinxronik cədvəllər (Azərbaycan, rus, özbək, tacik, türk, ingilis, ərəb və fars dillərində” “Elm”, Bakı, 1972.
- Mühəmməd Nəsirəddin Tusi, Gənclik, Bakı, 1980, 175 s.
- Мухаммед Насирэддин Туси, Баку, 1981.
vikipedia, viki, ensiklopediya, kitab, məqalə, oxumaq, pulsuz yüklə, Həbibulla Məmmədbəyli haqqında məlumat. Həbibulla Məmmədbəyli nədir? Həbibulla Məmmədbəyli nə deməkdir?