Axıncaçay - Kürün sağ qoludur. Suyu Azərbaycanın Gədəbəy, Tovuz və Ermənistanın Berd rayonu ərazilərindən axır. Uzunluğu 76 km, hövzəsinin sahəsi 1178 km²-dir.

Axıncaçay - Kürün sağ qoludur. Suyu Azərbaycanın Gədəbəy, Tovuz və Ermənistanın Berd rayonu ərazilərindən axır. Uzunluğu 76 km, hövzəsinin sahəsi 1178 km²-dir. Mənbəyini Kiçik Qafqazın şimal-şərq hissəsindən, Gədəbəy rayonu ərazisindəki Başkənd aşırımı yaxınlığından (1950 m) alır. Ermənistan ərazisində çaya sol tərəfdən Zamanlı (uzunluğu 12 km), Mehrab (uzunluğu 28 km), Tovuz rayonu ərazisində isə sag tərəfdən Əsrik (uzunluğu 48 km) çaylarının suları qovuşur. Çay Tovuz rayonu ərazisində Tovuzçaya qovuşaraq və Kür çayına tökülür.

Axıncaçay
azərb. Axıncaçay‎
Ölkələr	Azərbaycan  Ermənistan
Rayonlar	Gədəbəy rayonu () Tovuz rayonu () Berd rayonu ()
Şəhər	Tovuz ()
Mənbəyi	Kiçik Qafqaz dağları
• Yüksəkliyi	2268 m
Mənsəbi	Kür çayı
Uzunluğu	76 km
Su sərfi	7,3 m³/san
Su sistemi	Kür
Su hövzəsi	Xəzər dənizi
Hövzəsinin sahəsi	1178 km²

Çayın axımının 45%-i yağış, 25%-i qar, 30%-i isə yeraltı sulardan əmələ gəlir.

Axıncaçayın orta illik su sərfi 7,3 kub m/san-dir. Axımın 56%-i yazda, 25%-i yayda, 11%-i payızda, 8%-i isə qışda keçir. Orta illik asılı gətirmələr sərfi 0,3kq/san, lillənməsi isə 41 q/kub m-dir. Suyu hidrokabonatlı-kalsiumlu olmaqla 300-400 mq/l minerallaşmaya malikdir.

Ağdam kəndi yaxınlığında çayın yatağında Axıncaçay su anbarı yaradılmışdır və Tovuzçaya qovuşan hissədə isə Tovuzçay su anbarının tikintisi davam edir.